ନୂଆଦିଲ୍ଲୀ: ନୂଆଦିଲ୍ଲୀ କବୀରନଗରରେ ଭୁଶୁଡିଲା ଦୁଇ ମହଲା କୋଠା, ଦୁଇ ମୃତ। ମୃତକ ମାନେ ହେଲେ ୩୦ ବର୍ଷୀୟ ଅର୍ସାଦ୍ ଏବଂ ୨୦ ବର୍ଷୀୟ ତୌହିଦ । ଗୁରୁତର ଥିବା ରେହାନକୁ ନୂଆଦିଲ୍ଲୀର ଜିଟିବି ମେଡିକାଲରେ ଭର୍ତ୍ତି କରାଯାଇଛି। ରାତି ପ୍ରାୟ ୨ଟା ବେଳେ ହଠାତ୍ କୋଠାଟି ଭୁଶୁଡି ପଡିଥିଲା। ତେବେ ଉପର ମହଲାରେ କେହି ନଥିବାବେଳେ ତଳ ମହଲାରେ ଚାଲିଥିବା ଜିନ୍ସ ଫ୍ୟାକ୍ଟ୍ରିରେ ୩ ଜଣ ଶ୍ରମିକ କାମ କରୁଥିଲେ ।କୋଠା ଭୁଶୁଡିବା ପରେ ତିନି ଜଣ ଯାକ ଭଙ୍ଗା କୋଠା ତଳେ ଚାପି ହୋଇ ରହିଯାଇଥିଲେ। ଉଦ୍ଧାର ପରେ ଦୁଇ ଜଣଙ୍କୁ ମୃତ ଘୋଷଣା କରିଛନ୍ତି ଡାକ୍ତର। ତେବେ ଘରଟି ସାହିଲ ନାମକ ବ୍ୟକ୍ତିଙ୍କର ବୋଲି ଜଣାପଡିଛି। ପୁଲିସ୍ ଘଟଣାସ୍ଥଳରେ ପହଞ୍ଚି ତନାଘନା ଆରମ୍ଭ କରିଛି।
Comments are closed.