ନୂଆଦିଲ୍ଲୀ: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏବଂ ୟୁକ୍ରେନ୍ ପ୍ରତିପକ୍ଷ ଭୋଲଡିମର ଜେଲେନ୍ସ୍କି ଙ୍କ ମଧ୍ୟରେ କଥା କଟାକଟି ହୋଇଛି। ରୁଷ୍-ୟୁକ୍ରେନ୍ ଯୁଦ୍ଧ ବିରାମ ପାଇଁ ଆମେରିକା ୟୁକ୍ରେନ୍ ସହ ଯେଉଁ ଖଣିଜ ଚୁକ୍ତି କରିବା ଲାଗି ପୂର୍ବରୁ ଘୋଷଣା କରିଥିଲା। ତାହା ଉପରେ ତୀବ୍ର ପ୍ରତିକ୍ରିୟା ପ୍ରକାଶ କରିଛନ୍ତି ଜେଲେନ୍ସ୍କି। ଯୁଦ୍ଧ ବିରାମକୁ ସେ ଆଗ୍ରାହ୍ୟ କରିବା ପରେ ଟ୍ରମ୍ପ ତାଙ୍କୁ ଚେତାବନୀ ଦେଇଛନ୍ତି। ତୁମେ ତୃତୀୟ ବିଶ୍ଵଯୁଦ୍ଧକୁ ନିମନ୍ତ୍ରଣ କରୁଛ ଓ ଏହାର ପରିଣତି ଭୟଙ୍କର ହେବ ବୋଲି ଟ୍ରମ୍ପ କହିଛନ୍ତି। ଆମେରିକାର ହ୍ବାଇଟ୍ ହାଉସରେ ଉଭୟ ଜେଲେନ୍ସ୍କି ଓ ଟ୍ରମ୍ପ ଆଲୋଚନା କରିବାର ଥିଲା। ଏହାପୂର୍ବରୁ ୟୁକ୍ରେନ୍ ର ମୂଲ୍ୟବାନ୍ ଖଣିକୁ ଆମେରିକା ନିଜ ଦଖଲକୁ ନେବାକୁ ଟ୍ରମ୍ପ ପ୍ରସ୍ତାବ ଦେଇଥିଲେ। ଏପରିକି ଏହାକୁ ନେଇ ଚୁକ୍ତି ପୂର୍ବରୁ ସେ ଗଣମାଧ୍ୟମକୁ ଯେଉଁ ବିବୃତି ଦେଇଥିଲେ, ତାହା ଜେଲେନ୍ସ୍କି ଙ୍କୁ ଅସନ୍ତୁଷ୍ଟ କରିଥିଲା। ଟ୍ରମ୍ପ ଗଣମାଧ୍ୟମକୁ କହିଥିଲେ ୟୁକ୍ରେନର ଖଣିକୁ ଆମେରିକା ଗୁରୁତ୍ଵପୂର୍ଣ୍ଣ କାମରେ ଲଗାଇବ। ଏଥିରେ ଏଆଇ, ଅସ୍ତ୍ରଶସ୍ତ୍ର ପ୍ରସ୍ତୁତି ଏବଂ ସେନାବାହିନୀ ଲାଗି ଅନ୍ୟାନ୍ୟ ସାମଗ୍ରୀ ପ୍ରସ୍ତୁତ କରାଯିବ। ଏହା ଆମେରିକାକୁ ଫାଇଦା ଦେବ। ସେ ରୁଷ୍-ୟୁକ୍ରେନ୍ ଯୁଦ୍ଧରେ ଜଣେ ଶାନ୍ତିଦୂତ ସାଜିବେ ଏବଂ ବିଶ୍ଵ ତାଙ୍କୁ ଏଥିପାଇଁ ମନେରଖିବ।
Popular Categories
Previous article
Next article