ମଣିଷ ପକାଇଥିବା ପ୍ଲାଷ୍ଟିକ ବୋତଲ ବାହାର କଲା ବାଘ; ଆଉ ତାପରେ ଯାହା କଲା . . .

ସମାଜ ଡିଜିଟାଲ ଡେସ୍କ: ପାଣିରେ ପଡିଥିବା ପ୍ଲାଷ୍ଟିକ ବୋତଲକୁ ଉଠାଉଛି ଜଙ୍ଗଲର ବାଘ । ଆଉ ପାଣି ବୋତଲ ଉଠାଇବା ପରେ ଯାହା କରୁଛି ତାହା ଦେଖିବା ପରେ ଅନେକ ଲୋକଙ୍କ ମୁହଁ ଲଜ୍ଜାରେ ତଳକୁ ହୋଇଯିବ । ଲୋକମାନେ ଭାବୁଥିବା ଯେ ବାଘ କଣ ଏପରି କରିପାରେ । ବାସ୍ତବରେ ଭାଇରାଲ ହେଉଥିବା ଏହି ଭିଡ଼ିଓକୁ ଦେଖିଲେ ଏହା ସତ୍ୟ ବୋଲି ଜଣାପଡୁଛି ।

ପଶୁମାନେ ମଣିଷ ଅପେକ୍ଷା ବହୁତ ବୁଦ୍ଧିମାନ ହୋଇଥାନ୍ତି । ବେଳେବେଳେ ସେମାନେ କିଛି ଏପରି କାର୍ଯ୍ୟ କରନ୍ତି ଯାହା ଦ୍ୱାରା ମଣିଷ ମଧ୍ୟ ଲଜ୍ଜାରେ ମୁଣ୍ଡ ନୁଆଁଇଥାଏ । ଏହି ଭାଇରାଲ ଭିଡ଼ିଓରେ ମଧ୍ୟ ସମାନ ଦୃଶ୍ୟ ଦେଖିବାକୁ ମିଳିଛି । ଜଣେ ଆଇଏଫଏସ ଅଧିକାରୀଙ୍କ ଦ୍ୱାରା ସୋସିଆଲ ମିଡ଼ିଆରେ ପୋଷ୍ଟ କରାଯାଇଥିବା ଏହି ଭିଡ଼ିଓ ଏକ ଜଙ୍ଗଲର । ଯେଉଁଠାରେ ଗୋଟିଏ ବାଘ ପାଣିରେ ପଡିଥିବା ପ୍ଲାଷ୍ଟିକ ବୋତଲକୁ ଉଠାଇ ଏହାକୁ ନେଇ ଭିଡ଼ିଓ ସୁଟିଂ କରୁଥିବା ବ୍ୟକ୍ତିଙ୍କ ଗାଡି ଆଗରେ ପକାଉଛି । ଲୋକମାନେ ଏହି ଭିଡ଼ିଓ ଦେଖିବା ପରେ ବାଘର ପ୍ରଶଂସା କରିବାରେ ଲାଗିଛନ୍ତି । ମଣିଷ ମାନେ ବନ୍ୟଜନ୍ତୁଙ୍କ ଠାରୁ କିଛି ଶିଖିବା କଥା ବୋଲି କୁହାଯାଇଛି । ଜଙ୍ଗଲରେ ଅଳିଆ ଆବର୍ଜନ ନପକାଇବା ଏବଂ ପ୍ଲାଷ୍ଟିକ ସାମଗ୍ରୀ ବ୍ୟବହାର ବନ୍ଦ କରିବାକୁ ଅଧିକାରୀ ମାନେ ଲୋକଙ୍କୁ ଅନୁରୋଧ କରିଛନ୍ତି ।

Why should the wild clean the garbage of the (un)civilised 😞😞
Please stop carrying plastics & styrofoams into the wilderness🙏

(Credit it the clip) pic.twitter.com/fSTekEYe5f

— Susanta Nanda (@susantananda3) February 14, 2024

କିଛି ୟୁଜର୍ସ ଭିଡ଼ିଓ ଦେଖିବା ପରେ କହିଛନ୍ତି ଯେ ସଭ୍ୟ ସମାଜର ଅଳିଆ ବନ୍ୟଜନ୍ତୁ କାହିଁକି ସଫା କରିବେ । ଦୟାକରି ପ୍ଲାଷ୍ଟିକ ବ୍ୟବହାର ଓ ପରିବହନ ବନ୍ଦ କରନ୍ତୁ । ୨୪ ସେକେଣ୍ଡର ଏହି ଦୃଶ୍ୟ ମଣିଷକୁ ବହୁତ କିଛି ଶିକ୍ଷା ଦେଇଛି । ବନ ଅଧିକାରୀ ସୁଶାନ୍ତ ନନ୍ଦା ଏହି ଭିଡ଼ିଓକୁ ନିଜ ଏକ୍ସ ଆକାଉଣ୍ଟରେ ସେୟାର କରିଛନ୍ତି । ସୁଶାନ୍ତ କହିଛନ୍ତି ବାଘଟି ପାଣିରୁ ବୋତଲ ଉଠାଇ ଭିଡ଼ିଓ ସୁଟିଂ କରୁଥିବା ଲୋକର ଜିପ୍‍ ଆଗରେ ପକାଇଛି । ଏଥିରୁ ସ୍ପଷ୍ଟ ହୋଇଛି ବାଘଟି ବାର୍ତ୍ତା ଦେଇ କହୁଛି ତୁମେ ତୁମର ଅଳିଆକୁ ଜଙ୍ଗଲରେ ନଛାଡି ସାଙ୍ଗରେ ନେଇକି ଯିବା ଉଚିତ ।