ରାଉରକେଲାରେ ପୁଣି ମାଲବାହୀ ଟ୍ରେନ ଲାଇନଚ୍ୟୁତ, ଯାତାୟତ ପ୍ରଭାବିତ

ରାଉରକେଲା: ରାଉରକେଲାରେ ପୁଣି ମାଲବାହୀ ଟ୍ରେନ ଲାଇନଚ୍ୟୁତ ହୋଇଥିବା ସୂଚନା ମିଳିଛି। ବୁଧବାର ପ୍ଲାଟଫର୍ମ ନିକଟ ଏକ ବସ୍ତି ଭିତରକୁ ମାଲବାହୀ ଟ୍ରେନ ମାଡ଼ି ଯାଇଥିଲା। ଫଳରେ ଗୋଟିଏ ବଗିରୁ ଟ୍ରାକ ଖସିଯାଇଥିଲା। ଏହାଦ୍ୱାରା ଟ୍ରାକରେ ଯାତାୟତ ପ୍ରଭାବିତ ହୋଇଥିଲା। ରାଉରକେଲା ରେଲୱେ ଷ୍ଟେସନର ୫ ନମ୍ବର ପ୍ଲାଟଫର୍ମରେ ମାଲବାହୀ ଟ୍ରେନ ଲାଇନଚ୍ୟୁତ ହୋଇଥିଲା। କହିରଖୁଛୁ ମାଲଗୋଦାମ ବସ୍ତିକୁ ମାଲବାହୀ ଟ୍ରେନ୍ ମାଡ଼ିଯିବା ଘଟଣାରେ ୫ କର୍ମଚାରୀ ନିଲମ୍ବିତ ହୋଇଛନ୍ତି । ରାଉରକେଲା ରେଳ ଷ୍ଟେସନ ମ୍ୟାନେଜର ପି କେ ଦାସଙ୍କୁ ନିଲମ୍ବନ କରାଯାଇଛି। ଗତକାଲି ତାଙ୍କୁ ବଦଳି କରାଯାଇଥିଲା। ଦାସଙ୍କ ସମେତ ୫ ଜଣଙ୍କୁ ଡ୍ୟୁଟିରେ ଅବହେଳା ଅଭିଯୋଗରେ ନିଲମ୍ବିତ କରା ଯାଇଥିବା ସୂଚନା ମିଳିଛି । ରାଉରକେଲା ରେଳ ଷ୍ଟେସନ ମ୍ୟାନେଜର, ମାଲବାହୀ ଟ୍ରେନର ଡ୍ରାଇଭର, ଗାର୍ଡଙ୍କ ସମେତ ଓ୍ବାଗନ ସଟିଂ କରୁଥିବା କର୍ମଚାରୀଙ୍କୁ ନିଲମ୍ବିତ କରିଛନ୍ତି ଦକ୍ଷିଣ ପୂର୍ବ ରେଳବାଇ କର୍ତ୍ତୃପକ୍ଷ।