ଗଞ୍ଜାମ : ରମ୍ଭା ଥାନା ଅନ୍ତର୍ଗତ ରାଉଳିବନ୍ଧ ଗ୍ରାମ ଛକ ନିକଟରେ ବେଆଇନ ଭାବେ ଯାଉଥିବା ଏକ ବାଲି ବୋଝେଇ ଟିପ୍ପର ଜବତ କରିଛି ହୁମ୍ମା ଫାଣ୍ଡି ପୋଲିସ l ଟିପ୍ପର ଡ୍ରାଇଭରକୁ ଗିରଫ କରାଯାଇଛି । ସୂଚନାଯୋଗ୍ୟ ହୁମ୍ମା ଫାଣ୍ଡି ଅଧିକାରୀ ସୁବ୍ରଜିତ ସାମନ୍ତରାୟ ଓ ତାଙ୍କ ପୁଲିସ ଟିମ ପାଟ୍ରୋଲିଂ କରୁଥିବା ସମୟରେ ଏକ ବାଲି ବୋଝେଇ ଟିପ୍ପର ଆସୁଥିବା ଖବର ପାଇ ରାଉଳିବନ୍ଧ ଛକ ନିକଟରେ ଚଢ଼ାଉ କରିଥିଲେ । ଘଟଣାସ୍ଥଳରେ ବାଲି ବୋଝେଇ ଟିପ୍ପର (ଓଡ଼ି ୦୨ ଏମ ୭୯୭୭) ଜବତ କରିଥିବାବେଳେ ଡ୍ରାଇଭର ଗିରଫ ହୋଇଥିଲା । ଏହି ବାଲି ବୋଝେଇ ଟିପ୍ପର ଋଷିକୂଲ୍ୟା ନଦୀ କୂଳରୁ ବାହାରି ରାଉଳିବନ୍ଧ ଛକ ଦେଇ ପୁରୀ ଜିଲାର କୃଷ୍ଣପ୍ରସାଦ ଥାନା ଅଞ୍ଚଳକୁ ଯାଉଥିବା ସମୟରେ ରାଉଳିବନ୍ଧ ଛକ ନିକଟରେ ଖବର ପାଇ ପୁଲିସ ଚଢ଼ାଉ କରିଥିଲା । କିଛି ଦିନ ହେବ ବାଲି ଓ ମୋରମ ମାଫିଆମାନେ ରାଜପଥ ଉପରେ ଦିନ ଦ୍ବିପ୍ରହରେ ଟ୍ରାକ୍ଟର ଓ ଟ୍ରକ ସାହାର୍ଯ୍ୟରେ ବାହାରକୁ ଚାଲାଣ କରୁଥିବା ନେଇ ବିଭିନ୍ନ ସମୟରେ ଅଭିଯୋଗ ହେଉଛି । ପୁଲିସ ଓ ରାଜସ୍ୱ ବିଭାଗ ପାଟ୍ରୋଲିଂ କଡ଼ାକଡ଼ି କରିବା ପାଇଁ ସାଧାରଣରେ ଦାବି ହେଉଛି।
Comments are closed.