ପାଟଣା : ପାଟଣା ଥାନା ଅଞ୍ଚଳ ବେଗନା ଗ୍ରାମରେ ଜଣେ ମହିଳାଙ୍କୁ ଏକ ଟ୍ରାକ୍ଟର ଧକ୍କା ଦେବାରୁ ସେ ତଳେ ପଡ଼ିଯିବା ପରେ ତାଙ୍କର ବାମ ଗୋଡ଼ ଉପରେ ଟ୍ରାକ୍ଟର ଚଢ଼ି ଯାଇଛି। ଚକା ଚଢ଼ିଯିବା ଫଳରେ ଗୋଡଟି ମାଟିରେ ସମ୍ପୂର୍ଣ୍ଣ ମିଶି ଯାଇଥିଲା। ଗୁରୁତର ଅବସ୍ଥାରେ ମହିଳାଙ୍କୁ ପ୍ରଥମେ ପାଟଣା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିବା ବେଳେ ପ୍ରାଥମିକ ଚିକିତ୍ସା ପରେ ତାଙ୍କୁ କଟକ ବଡ଼ ଡ଼ାକ୍ତରଖାନାକୁ ସ୍ଥାନାନ୍ତର କରାଯାଇଛି। ଗୁରୁତର ବିଧବା ମହିଳା ଜଣକ ବେଗନା ଗ୍ରାମର ସ୍ବର୍ଗତ ନେପାଳ ସେଠୀଙ୍କ ବିଧବା ପତ୍ନୀ ସରସ୍ଵତୀ ସେଠୀ ବୋଲି ଜଣାପଡିଛି। ଦୁର୍ଘଟଣା ଘଟାଇ ଟ୍ରାକ୍ଟର ଚାଳକ ଫେରାର ହୋଇଯାଇଥିବାବେଳେ ଦୁର୍ଘଟଣା ଘଟାଇ ଥିବା ଟ୍ରାକ୍ଟରକୁ ପାଟଣା ଥାନା ଏଏସଆଇ ନୁଆସ ଲୁଗୁନ ଜବତ କରି ଥାନାକୁ ଆଣିଛନ୍ତି।
Comments are closed.