ରାଷ୍ଟ୍ରପତିଙ୍କ ଗସ୍ତ ପୂର୍ବରୁ ବିଭତ୍ସ ହତ୍ୟାକାଣ୍ଡ: ଶ୍ରୀସେତୁ ତଳୁ ମିଳିଲା ବ୍ୟକ୍ତିଙ୍କ ମୃତଦେହ

ପୁରୀ: ରାଷ୍ଟ୍ରପତିଙ୍କ ଗସ୍ତ ପୂର୍ବରୁ ପୁରୀରେ ଘଟିଛି ବିଭତ୍ସ ହତ୍ୟାକାଣ୍ଡ। ମହାମହିମଙ୍କ ଗସ୍ତ ପାଇଁ ପୁରୀ ସହର ତ୍ରିସ୍ତରୀୟ ସୁରକ୍ଷା ବଳୟରେ ଥିବାବେଳେ ଶ୍ରୀ ସେତୁ ନିକଟରେ ଜଣେ ଯୁବକଙ୍କ ମୁଣ୍ଡକୁ ପଥରରେ ଛେଚି ନିର୍ମମ ଭାବେ ହତ୍ୟା କରାଯାଇଛି। ମୃତକ ଖଣ୍ଡିଆ ବନ୍ଧର ସୁଦର୍ଶନ ସାହୁ ବୋଲି ଜଣାପଡିଛି। ସୁଦର୍ଶନଙ୍କର ମାର୍କେଟ୍ ଛକରେ ଏକ ଜଳଖିଆ ଦୋକାନ ରହିଛି। ସବୁ ଦିନ ପରି ମଙ୍ଗଳବାର ରାତିରେ ସୁଦର୍ଶନ ଦୋକାନ ବନ୍ଦ କରି ଘରକୁ ଯାଉଥିଲେ। ଏତିକିବେଳେ ଶ୍ରୀସେତୁ ନିକଟରେ କିଛି ଦୁର୍ବୁତ୍ତ ତାଙ୍କୁ ପଥରରେ ଛେଚି ହତ୍ୟା କରିଥିଲେ। ଆଜି ସକାଳୁ ରକ୍ତ ଜୁଡୁବୁଡୁ ଅବସ୍ଥାରେ ତାଙ୍କ ମୃତଦେହ ଉଦ୍ଧାର କରାଯାଇଛି। ପରେ ସ୍ଥାନୀୟ ଲୋକ ଏ ନେଇ ପୁଲିସକୁ ଖବର ଦେଇଥିଲେ । ପୁଲିସ ଘଟଣାସ୍ଥଳରେ ପହଞ୍ଚି ଅଧିକ ଛାନଭିନ୍ ଜାରି ରଖିଛି।