ଡେସ୍କ: ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ବୁଧବାର ବେଙ୍ଗାଲୁରୁରେ ଲଗାଣ ବର୍ଷା ଯୋଗୁଁ ଖେଳାଯିବାକୁ ଥିବା ପ୍ରଥମ ଟେଷ୍ଟରେ ଟସ୍ ବିଳମ୍ବିତ ହୋଇଛି। ଚିନ୍ନାସ୍ୱାମୀ ଷ୍ଟାଡିୟମର ପିଚ୍ ପ୍ରବଳ ବର୍ଷା ଯୋଗୁଁ ଆଚ୍ଛାଦିତ ରହିଥିବାରୁ ଉଭୟ ଦଳ ଏପର୍ଯ୍ୟନ୍ତ ପଡ଼ିଆକୁ ଆସିନାହାନ୍ତି।
- Advertisement -
ଦିନସାରା ବର୍ଷା ହେବ ବୋଲି ପାଣିପାଗ ବିଭାଗ ପୂର୍ବାନୁମାନ କରିଥିବା ବେଳେ ମ୍ୟାଚର ଦ୍ବିତୀୟ ଦିନ ପାଇଁ ଅର୍ଥାତ ଗୁରୁବାର ମଧ୍ୟ ପାଗ ଅତ୍ୟନ୍ତ ଖରାପ ରହିବା ନେଇ ପୂର୍ବାନୁମାନ କରାଯାଇଛି।
ନିକଟରେ ଘରୋଇ ଶୃଙ୍ଖଳାରେ ବାଂଲାଦେଶକୁ ୨-୦ରେ ପରାସ୍ତ କରି ଭାରତ ଏହି ସିରିଜକୁ ଓହ୍ଲାଇଥିବା ବେଳେ ବ୍ଲାକକ୍ୟାପ୍ସ ନ୍ୟୁଜିଲାଣ୍ଡ ସମାନ ବ୍ୟବଧାନରେ ଶ୍ରୀଲଙ୍କାଠାରୁ ପରାସ୍ତ ହୋଇଛି।
