କାବୁଲ : ଆଫଗାନିସ୍ତାନରେ ତାଲିବାନ କ୍ଷମତା ଦଖଲ କରିଥିବାବେଳେ ସଂଗଠନର ପ୍ରମୁଖ ନେତାମାନେ ଏବେ ଚର୍ଚ୍ଚାକୁ ଆସିଛନ୍ତି। ଆମେରିକାର ଦୀର୍ଘ ୨୦ବର୍ଷର ସାମରିକ କାର୍ଯ୍ୟାନୁଷ୍ଠାନ ସତ୍ତ୍ବେ ତାଲିବାନକୁ କ୍ଷମତାକୁ ଫେରାଇ ଆଣିଥିବା ନେତାମାନେ ହେଲେ ମୁଲ୍ଲା ହୈବାତୁଲ୍ଲା ଅଖୁନ୍ଦଜାଦା। ଅଖୁନ୍ଦଜାଦା ଏବେ ତାଲିବାନର ସର୍ବୋଚ୍ଚ ନେତା। ପୂର୍ବରୁ ମଧ୍ୟ ସେ ତାଲିବାନ ସଂଗଠନରେ ଧାର୍ମିକ ନେତା ଭାବେ କାର୍ଯ୍ୟ କରିଥିଲେ। ପୂର୍ବତନ ତାଲିବାନ ମୁଖ୍ୟ ମୁଲ୍ଲା ମନସୌର ଅଖତର ମହମ୍ମଦ ମନସୁର ଆମେରିକାର ଡ୍ରୋନ ଆକ୍ରମଣରେ ପ୍ରାଣ ହରାଇବା ପରେ ୨୦୧୬ରେ ତାକୁ ସର୍ବୋଚ୍ଚ ନେତା ନିଯୁକ୍ତ କରାଯାଇଥିଲା। ସେ ତାଲିବାନର ନୀତି ନିର୍ଦ୍ଧାରଣ କମିଟିର ନେତୃତ୍ବ ନେଇଥାନ୍ତି । ତାଲିବାନର ଦ୍ବିତୀୟ ସର୍ବୋଚ୍ଚ ନେତା ହେଉଛନ୍ତି ମୁଲ୍ଲା ଅବଦୁଲ ଘନି ବରାଦର। ସେ ତାଲିବାନ ସଂଗଠନର ରାଜନୈତିକ ଶାଖାର ନେତୃତ୍ବ ନେଇଥାନ୍ତି । ତାଲିବାନର ବିଭିନ୍ନ ଶାନ୍ତି କଥାବାର୍ତ୍ତା ଲାଗି ସେ ଯୋଗାଯୋଗ କରିଥାନ୍ତି। ଆମେରିକାର ଅନୁରୋଧ କ୍ରମେ ବରାଦରକୁ ତିନିବର୍ଷ ପୂର୍ବେ ପାକିସ୍ତାନ କାରାଗାରରୁ ମୁକ୍ତ କରାଯାଇଥିଲା। ତାଲିବାନର ଅନ୍ୟତମ ନେତା ହେଉଛନ୍ତି ଜାବିହୁଲ୍ଲା ମୁଜାହିଦ୍। ସେ ତାଲିବାନ ସଂଗଠନ ପକ୍ଷରୁ ବିଶ୍ବକୁ ସୂଚନା ପ୍ରଦାନ କରିଥାନ୍ତି। ମଙ୍ଗଳବାର ସେ ଆଫଗାନିସ୍ତାନ ଗଣମାଧ୍ୟମ ଓ ସୂଚନା କେନ୍ଦ୍ରର ନିର୍ଦେଶକ ଭାବେ ତାଲିବାନର ଆଭିମୁଖ୍ୟ ବାବଦରେ କହିଥିଲେ। ସିରାଜୁଦ୍ଦିନ ହକାନି ମଧ୍ୟ ତାଲିବାନ ସଂଗଠନର ଅନ୍ୟତମ ଉପ ମୁଖ୍ୟ ନେତା। ସେ ହକାନି ନେଟୱର୍କର ନେତୃତ୍ବ ନେଇଥାଏ। ଆମେରିକା ତାକୁ ବିଶ୍ବ ଆତଙ୍କବାଦୀ ଘୋଷଣା କରିବା ସହିତ ତା’ର ମୁଣ୍ଡ ପାଇଁ ୫ନିୟୁତ ଡଲାର ପୁରସ୍କାର ଘୋଷଣା କରିଛି। ସେ ସୋଭିଏତ୍ ବିରୋଧୀ ଜିହାଦ କମାଣ୍ଡର ଜଲାଲୁଦ୍ଦିନ ହକାନିର ପୁଅ। ସଂଗଠନର ଅନ୍ୟ ନେତା ହେଲେ ଅବଦୁଲ ହାକିମ୍ ହକାନି। ସେ ଅଖୁନ୍ଦଜାଦାଙ୍କର ଘନିଷ୍ଠ ସହଯୋଗୀ। ତାଲିବାନ ସଂଗଠନର ସହଯୋଗୀ ସଂଗଠନ ମଧ୍ୟରେ ସେ ଯୋଗସୂତ୍ରକାରୀ ଭାବେ କାର୍ଯ୍ୟ କରନ୍ତି। ୨୦୦୧ରୁ ସେ ପାକିସ୍ତାନ େକ୍ବଟାରେ ଏକ ମଦ୍ରାସା ଚଳାଇଆସୁଛନ୍ତି। ମହମ୍ମଦ ୟାକୁବ ମଧ୍ୟ ତାଲିବାନ ସଂଗଠନର ଅନ୍ୟତମ ପ୍ରମୁଖ ନେତା। ସେ ତାଲିବାନର ପ୍ରତିଷ୍ଠାତା ମୁଲ୍ଲା ଓମାରର ପୁଅ। ହସିବୁଲ୍ଲା ଷ୍ଟାନିକଜାଇ ମଧ୍ୟ ତାଲିବାନର ଅନ୍ୟତମ ପ୍ରମୁଖ ନେତା। ସେ ତାଲିବାନର ଲୋଗାର ପ୍ରାଦେଶିକ ପରିଷଦର ନେତା।
Popular Categories
Previous article
Next article