ଟୋକିଓ ପାରାଲିମ୍ପିକ୍ସ: ଉଚ୍ଚଡିଆଁରେ ରୌପ୍ୟ ପଦକ ଜିତିଲେ ନିଶାଦ କୁମାର

ଟୋକିଓ: ଆଜି ଟୋକିଓ ପାରାଲିମ୍ପିକ୍ସରେ ଭାରତକୁ ଆଉ ଏକ ସଫଳତା ମିଳିଛି। ଆଜି ସକାଳେ ଟିଟିରେ ଭାବିନା ପଟେଲ ରୌପ୍ୟ ପଦକ ଜିତି ଇତିହାସ ସୃଷ୍ଟି କରିଥିବାବେଳେ ସନ୍ଧ୍ୟାରେ ଆଉ ଜଣେ ଉଦୀୟମାନ ଖେଳାଳୀ ଉଚ୍ଚଡିଆଁ(ହାଇଜମ୍ପ)ରେ ଭାରତ ପାଇଁ ଗୌରବ ଆଣିଛନ୍ତି। ଫଳରେ ଗୋଟିଏ ଦିନରେ ଟୋକିଓ ପାରାଲିମ୍ପିକ୍ସରେ ଭାରତକୁ ଆଉ ଏକ ପଦକ ମିଳିଛି। ଟୋକିଓ ପାରାଲିମ୍ପିକ୍ସରେ ନିଶାଦ କୁମାର ରୌପ୍ୟ ପଦକ ବିଜୟୀ ହୋଇଛନ୍ତି। ୨.୦୬ ମିଟର ଉଚ୍ଚଡିଆଁ ଡେଇଁ ପଦକ ବିଜୟୀ ହୋଇଛନ୍ତି। ଏଥିରେ ଆମେରିକାର ରୋଡରିକ ଟାୱନସେଣ୍ଡ୍ ସ୍ବର୍ଣ୍ଣପଦକ ଏବଂ ଡଲାସ ୱାଇଜ ବ୍ରୋଞ୍ଜ ପଦକ ବିଜୟୀ ହୋଇଛନ୍ତି।

ନିଶାଦ କୁମାର ଟୋକିଓ ପାରାଲିମ୍ପିକ୍ସରେ ରୌପ୍ୟ ପଦକ ବିଜୟୀ ହେବା ପରେ ଭାରତରେ ପଦକ ସଂଖ୍ୟା ୨କୁ ବୃଦ୍ଧି ପାଇଛି। ଆଜି ସକାଳେ ଟିଟିରେ ଭାବିନା ପଟେଲ ରୌପ୍ୟ ପଦକ ବିଜୟୀ ହୋଇଛନ୍ତି। ଏହି ଅବସରରେ ରାଷ୍ଟ୍ରପତି ରାମନାଥ କୋବିନ୍ଦ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନିଶାଦ କୁମାରଙ୍କୁ ଅଭିନନ୍ଦନ ଜଣାଇଛନ୍ତି।