ମେଷ: ଜ୍ଞାନ ପିପାସା ମେଣ୍ଟାଇବା ପାଇଁ ଅନ୍ତଃକରଣ ଶୁଦ୍ଧି ରଖନ୍ତୁ। ଦେଖିବେ ଜ୍ଞାନ ଚକ୍ଷୁ ଖୋଲିଯିବ। ଆଦର୍ଶବାଦୀ ହେବେ। ସେବା ଓ ପରୋପକାରକୁ ଜୀବନର ବ୍ରତଭାବ ଗ୍ରହଣ କରି ପ୍ରଶଂସାର ପାତ୍ର ହେବେ।
ବୃଷ: ଶୁଦ୍ଧ, ଶୁଚିଭାବେ ଶରୀର ଓ ମନକୁ ପ୍ରଭୁ ପାଦରେ ବିଲୀନ କରିପାରନ୍ତି। କ୍ଷେତରୁ ପ୍ରଚୁର ପରିମାଣର ଶସ୍ୟ ଆସି ଭଣ୍ଡାର ପରିପୂର୍ଣ୍ଣ ହୋଇପାରେ। ଜ୍ଞାନାଲୋକରେ ଅଜ୍ଞାନ ଅନ୍ଧକାରକୁ ଦୂର କରିବେ।
ମିଥୁନ: ‘ମହତେ ଯାହା କରିବେ’ ଅର୍ଥାତ୍ ‘ମହାଜନ ଯେନ ଗତସ୍ୟ ପନ୍ଥା’କୁ ଅନୁସରଣ କଲେ ପାରିବାରିକ ଓ ଦାମ୍ପତ୍ୟ ସୁଖ ଅଟଳ ରହିବ। ସତ୍ପଥଗାମୀ ହୋଇ ଜୀବନକୁ ମହାର୍ହ କରିପାରନ୍ତି।
କର୍କଟ: ଆଳସ୍ୟ ପରାୟଣ ହୋଇ ପ୍ରତି ପ୍ରତାପ ହୀନ ହେବାର ସୂଚନା ମିଳୁଛି। ସତ୍ ପରାୟଣ ହେବେ। ଆର୍ଥିକ ସ୍ଥିତି ଦୂଷିତ ହୋଇପାରେ। ପରିସ୍ଥିତିରେ ପଡ଼ି ନୈତିକ ମୂଲ୍ୟବୋଧର ଅଧପତନ ଘଟାଇ ପାରନ୍ତି।
ସିଂହ: ସମ୍ବେଦନା ସହିତ ଯୋଡ଼ି ହୋଇ ସେବାର ମହତ୍ତ୍ବ ଉପଲବ୍ଧି କରିବେ। ଅସୂର୍ଯ୍ୟସ୍ପର୍ଶା ପତ୍ନୀଙ୍କ ଉପାସନାର ପ୍ରତୀକ ହୋଇପାରନ୍ତି। ନିଜ ଭିତରେ ଥିବା ସୂର୍ଯ୍ୟକୁ ଉଦୟ କରି ପାବଚ୍ଛ ଅତିକ୍ରମ କରିବେ।
କନ୍ୟା :ଚେତନା ଧର୍ମୀ ଭବିଷ୍ୟ ବାଣୀ ଅବୁଝାମାନଙ୍କ ହୃଦୟକୁ ପରିବର୍ତ୍ତନ କରି ସୁମାର୍ଗୀ କରିପାରେ। ଭ୍ରାତୃମାନଙ୍କ ଏକତାବଦ୍ଧ ଓ ଆଦର୍ଶ ବ୍ୟକ୍ତିତ୍ବକୁ ଭୟ କରି ଶତ୍ରୁ ଅପସରି ଯିବ। ଋଣ ପରିଶୋଧ କରିବେ।
ତୁଳା: ଆତ୍ମବାଦୀ ହେବେ। ଆତ୍ମା ଶାଶ୍ବତ, ଅବିନାଶି ଓ ଚିରନ୍ତନ। ଆତ୍ମାକୁ ଚିହ୍ନିଥିବାରୁ ଆପଣଙ୍କ ଦୁଃଖ, ଶୋକ, ଜରା, ବ୍ୟାଧିରେ ମ୍ରିୟମାଣ ହେବେନି। ପତ୍ନୀ ପ୍ରେରଣାଦାୟୀ ହେବେ। କର୍ମକ୍ଷେତ୍ରରୁ ଧନ ଆସିବ।
ବିଛା: ମାତୃ ସେବା ବ୍ରତ ଆଚରଣ କରିପାରନ୍ତି। ସନ୍ମାର୍ଗୀ ହୋଇ ନିଜର ଉତ୍ତର ଦାୟିତ୍ବ ନିର୍ବାହ କରିବା ହେଉଛି ସଜ୍ଜନତା ଓ ବିବେକଶୀଳତା ଯାହା ଆପଣଙ୍କଠାରେ ରହିଛି। ମହନୀୟ କର୍ମ ସମୂହ ଶୀର୍ଷାସନ ଦେଇପାରେ।
ଧନୁ: ନିଷ୍ଠା ଓ ଅଧ୍ୟବସାୟ ବଳରେ ଶୀର୍ଷାସନରେ ଉପନୀତ ହୋଇପାରନ୍ତି। କର୍ମକ୍ଷେତ୍ରରେ ଉଜ୍ଜ୍ବଳ ପ୍ରଦୀପ ହୋଇ ସମସ୍ତ ବନ୍ଧୁର ପଥକୁ ଆଲୋକିତ କରିପାରନ୍ତି। ସୁସ୍ଥ ଓ ନିରାମୟ ରହିବେ। ଅର୍ଥାଗମ ହୋଇପାରେ।
ମକର: ସନ୍ମାର୍ଗୀ ହେଲେ ଅମୃତର ସନ୍ଧାନ ପାଇବେ। ଆତ୍ମବଳ ଆପଣଙ୍କୁ ବଳୀୟାନ୍ କରିପାରେ। କର୍ମଚଞ୍ଚଳ ରହିବେ। ଦାମ୍ପତ୍ୟ ଜୀବନ ସୁଖପ୍ରଦ ହେବ। ଧର୍ମ କାର୍ଯ୍ୟରେ ଧନ ବ୍ୟୟ କରି ପ୍ରଶଂସାଭାଜନ ହେବେ।
କୁମ୍ଭ:ନିଜ କର୍ତ୍ତବ୍ୟ ପଥରେ ଆରୁଢ଼ ହୋଇ ଜୀବନକୁ ଯଜ୍ଞମୟ କରିପାରନ୍ତି। ସମତ୍ବଭାବ ଅନ୍ତରରେ ବିକଶିତ ହେଲେ ପରମାତ୍ମାଙ୍କ କରୁଣା ଓ ଅନୁଗ୍ରହ ପ୍ରାପ୍ତ ହେବେ। ସଦାଚାରୀ ହୋଇପାରନ୍ତି।
ମୀନ: ଆପଣଙ୍କ ପାଇଁ ବ୍ରହ୍ମପଦର ଦ୍ବାର ଉନ୍ମୁକ୍ତ ରହିଛି; କାରଣ ଆପଣ ଆତ୍ମାର ସ୍ବତନ୍ତ୍ର ସ୍ଥିତିକୁ ସାବ୍ୟସ୍ତ କରି ପରମ ଲକ୍ଷଣ ଗୁଡ଼ିକୁ ହୃଦୟଙ୍ଗମ କରି ପତିପତ୍ନୀ ଏକ ମନ ହୋଇ ଧର୍ମକାର୍ଯ୍ୟରେ ଧନ ବ୍ୟୟ କରିବେ।
Comments are closed.