ସମାଜ ଡିଜିଟାଲ ଡେସ୍କ: ପଶ୍ଚିମବଙ୍ଗ ଶିକ୍ଷକ ନିଯୁକ୍ତି ଦୁର୍ନୀତିରେ ଟିଏମସି ବିଧାୟକଙ୍କୁ ଇଡି ଗିରଫ କରିଛି । ଏହି ଦୁର୍ନୀତିରେ ଟିଏମସି ବିଧାୟକ ଜୀବନ କୃଷ୍ଣଙ୍କୁ ଗିରଫ କରାଯାଇଛି । ସେ ତଦନ୍ତରେ ସହଯୋଗ କରୁନଥିବାରୁ ଇଡି ଏହି କାର୍ଯ୍ୟାନୁଷ୍ଠାନ ଗ୍ରହଣ କରିଛି ।
ସୂଚନା ମୁତାବକ ଶିକ୍ଷକ ନିଯୁକ୍ତିରେ ଅନିୟମିତତାର ତଦନ୍ତ ସମ୍ପର୍କରେ ଚଢାଉ କରିବା ପାଇଁ ସୋମବାର ପ୍ରବର୍ତ୍ତନ ନିର୍ଦ୍ଦେଶାଳୟ ମୁର୍ଶିଦାବାଦ ଜିଲାରେ ଥିବା ଟିଏମସି ବିଧାୟକ ଜୀବନ କୃଷ୍ଣ ସାହାଙ୍କ ଘରେ ପହଞ୍ଚିଥିଲା । ଏହାର ସୂଚନା ପାଇବା ମାତ୍ରେ ବିଧାୟକ ଜଣଙ୍କ ନିଜର ଘରର ପ୍ରାଚେରୀ ଡେଇଁ ଘରୁ ଖସି ପଳାଇବାକୁ ଚେଷ୍ଟା କରିଥିଲେ । ଇଡି ଅଧିକାରୀମାନେ ବିଧାୟକଙ୍କ ପଛେ ପଛେ ଯାଇ ତାଙ୍କୁ ନିକଟସ୍ଥ ଏକ ଅଞ୍ଚଳରେ ଧରିଥିଲେ । ଏହାପରେ ତାଙ୍କୁ ପଚରାଉଚରା ଆରମ୍ଭ ହୋଇଥିଲା ।
