କୋଲକତା .- ପଶ୍ଚମିବଙ୍ଗରେ ଏବେ ରାଜନୀତି ବେଶ୍ ସରଗରମ । ସାଧାରଣ ନିର୍ବାଚନ ସମୟରେ ବିଜେପି ଓ ତୃଣମୂଳ କଂଗ୍ରେସ ମଧ୍ୟରେ ସିଧାସଳଖ ପ୍ରତିଦ୍ୱନ୍ଦିତା ହୋଇଥିଲା । ବିଜେପିର ତତ୍କାଳୀନ ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହଙ୍କ ରାଲି ସମୟରେ ହିଂସା ହୋଇଥିଲା । ନିର୍ବାଚନ ପରେ ମଧ୍ୟ ବିବାଦ ଜାରି ରହିଛି । ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ତଥା ତୃଣମୂଳ କଂଗ୍ରେସ ସୁପ୍ରିମୋ ମମତା ବାନାର୍ଜୀଙ୍କ କାରକେଡ୍ ଯାଉଥିବା ବେଳେ ଜୟ ଶ୍ରୀରାମ କହିଥିବା ଲୋକଙ୍କର ଚମଡା ଉତାରି ଦେବେ ବୋଲି ମମତା ବାନାର୍ଜୀ କାର୍ରୁ ଓହ୍ଲାଇ କହିଥିଲେ । କେବଳ ସେତିକ ନୁହେଁ ବିଜେପିର ଏକ କାର୍ଯ୍ୟାଳୟ ଆଗରେ ନିଜ ଦଳ ନାଁ ଲେଖିଥିଲେ ।
ଏହାପରେ ବିଜେପି କାର୍ଯ୍ୟକର୍ତ୍ତା ତାଙ୍କୁ ବହୁ ସଂଖ୍ୟାରେ ଜୟ ଶ୍ରୀରାମ ପୋଷ୍ଟକାର୍ଡ ଲେଖି ପଠାଇଥିଲେ ।
ଏହାର ଜବାବରେ ତୃଣମୂଳ କର୍ମୀ ପ୍ରଧାନମନ୍ତ୍ରୀ ମୋଦୀଙ୍କ ନିଜଟକୁ ୧୦ହଜାର ପୋଷ୍ଟ କାର୍ଡ ପଠାଇଛନ୍ତି । ସେଥିରେ ସେମାନେ ବନ୍ଦେ ମାତରମ୍, ଜୟ ହିନ୍ଦ୍ ଓ ଜୟ ବଙ୍ଗଳା ଲେଖିଛନ୍ତି ।
ଏବେ ଦେଶର ରାଜନୀତିରେ ତୃଣମୂଳ କଂଗ୍ରେସ ଓ ଭାଜାପା ମୁହାଁମୁହିଁ ପରିସ୍ଥିତିରେ ରହିଥିବା ଦେଖିବାକୁ ମିଳିଛି ।
