ଟିଟିଲାଗଡ଼ : ଟିଟିଲାଗଡ଼ ଓବିସି ମଞ୍ଚ ପକ୍ଷରୁ ଆଜି ବିଭିନ୍ନ ଦାବି ନେଇ ବିଶାଳ ଶୋଭାଯାତ୍ରା ସହ ଟିଟିଲାଗଡ଼ ଉପଜିଲ୍ଲାପାଳଙ୍କ କାର୍ୟ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଛି । ଓଡିଶାରେ ଓବିସି ଜନଗଣନା, ଶିକ୍ଷା, ଚାକିରୀ କ୍ଷେତ୍ରରେ ଅଗ୍ରାଧିକାର, ବ୍ୟବସାୟ ଓ ଶିକ୍ଷା କ୍ଷେତ୍ରରେ ଆର୍ଥିକ ପ୍ରୋତ୍ସାହନ, ଓବିସି ସ୍ଵଛଳ ବର୍ଗଙ୍କୁ ମଧ୍ୟ ସମସ୍ତ ସୁବିଧା ପ୍ରଦାନ, ଓଡିଶାରେ କନଷ୍ଟେବଲ ନିଯୁକ୍ତିରେ ଓବିସିଙ୍କ ପାଇଁ ନିଯୁକ୍ତିରେ ଅଗ୍ରାଧିକାର, ଓବିସିଙ୍କ ପାଇଁ ମଣ୍ଡିରେ ଧାନର ପ୍ରକୃତ ମୂଲ୍ୟ ସୁନିଶ୍ଚିତ ଦାବି ହୋଇଛି । ଏହି ମର୍ମରେ ଓବିସି ନେତା ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଟିଟିଲାଗଡ଼ ଉପଜିଲ୍ଲାପାଳଙ୍କୁ ଦାବି ପତ୍ର ପ୍ରଦାନ କରିଛନ୍ତି । ଓବିସି ନେତା ଆଇନଜୀବି ମନୋଜ ହାତୀ ଏବଂ ଆଇନଜୀବି ତୁଳସୀରାମ ସାହୁଙ୍କ ସଂଯୋଜନାରେ ଅନୁଷ୍ଠିତ ଏହି ବିକ୍ଷୋଭ ସମାବେଶରେ ଆଇନଜୀବୀ ସୁମନ୍ତ ସାହୁ, ବାଳକୃଷ୍ଣ ଶାଣ୍ଢ, ଘିନୁ ଆଡ଼ଜୁଆଡ଼ ପ୍ରମୁଖ ସାମିଲ ଥିଲେ ।
Comments are closed.