ଟିଟିଲାଗଡ଼ : ଟିଟିଲାଗଡ଼ ଜିଲା ଦାବି ନେଇ ଗୁରୁବାର ୧୨ ଘଣ୍ଟିଆ ବନ୍ଦ ଆହ୍ୱାନ ଦିଆଯାଇଛି। ବନ୍ଦରେ କେବଳ ଜରୁରୀ ସେବାକୁ ବାଦ ଦିଆଯାଇଥିବା ବେଳେ ଅଖ ଚକ ବନ୍ଦ ସହ ଦୋକାନ ବଜାର, ସରକାରୀ କାର୍ଯ୍ୟାଳୟ, ବ୍ୟାଙ୍କ ପ୍ରତିଷ୍ଠାନ, ଶିକ୍ଷାନୁଷ୍ଠାନ ବନ୍ଦ ରହିଛି। ସକାଳ ୬ଟାରୁ ଜିଲ୍ଲା ସଂଗ୍ରାମୀ ସହରର କଚେରୀ ଛକ ସମେତ ବିଭିନ୍ନ ଛକରେ ଧାରଣା, ପ୍ରଦର୍ଶନ ଆରମ୍ଭ ହୋଇଛି। ଦୀର୍ଘ ୩୨ ବର୍ଷ ଧରି ଟିଟିଲାଗଡ଼ ଉପଖଣ୍ଡକୁ ଜିଲ୍ଲା ମାନ୍ୟତା ନେଇ ଜାରି ରହିଥିବା ଆନ୍ଦୋଳନ ଆହୁରି ଶାଣିତ କରାଯିବ ବୋଲି ଜିଲା କ୍ରିୟାନୁଷ୍ଠାନ କମିଟି ଆବାହକ ଆଇନଜୀବୀ କୃଷ୍ଣଚନ୍ଦ୍ର ସାହୁ କହିଛନ୍ତି। ଜିଲ୍ଲା ସଂଗ୍ରାମୀ ପ୍ରଶାନ୍ତ ଷଡ଼ଙ୍ଗୀ, ଘିନୁ ଆଡ଼ଯୁଆଡ଼, ତ୍ରିନାଥ ସରାଫ, ବୀରେନ୍ଦ୍ର ବାଗ, ହରିନାରାୟଣ ମିଶ୍ର, ଅଶୋକ ମିଶ୍ର ପ୍ରମୁଖ ଶତାଧିକ ସଂଗ୍ରାମୀ ଆନ୍ଦୋଳନରେ ସାମିଲ ହୋଇଛନ୍ତି। ବନ୍ଦକୁ ଦୃଷ୍ଟିରେ ରଖି ଟିଟିଲାଗଡ଼ ଏସଡ଼ିପିଓ ଅଙ୍କିତା କୁମ୍ଭାର, ଆଇଆଇସି ମନୋଜ ପ୍ରଧାନଙ୍କ ସମେତ ବ୍ୟାପକ ଆଇଆରବି ବାହିନୀ ସହରର ବିଭିନ୍ନ ଛକରେ ମୁତୟନ ହୋଇଥିବା ଦେଖିବାକୁ ମିଳିଛି।
Comments are closed.