ନୂଆଦିଲ୍ଲୀ : ରାଜସ୍ଥାନର ବୁନ୍ଦି ଜିଲାର ରାମଗଡ ବିଷଧାରୀ ଟାଇଗର ରିଜର୍ଭରୁ ଏକ ଆଶ୍ଚର୍ଯ୍ୟ କଲା ଭଳି ଘଟଣା ସାମ୍ନାକୁ ଆସିଛି । ବାଘକୁ ଦେଖିବା ତ ଦୂର କଥା ନାଁ ଶୁଣିଲେ ମଧ୍ୟ ଭୟ ଲାଗେ । ମାତ୍ର ରାଜସ୍ଥାନରେ ସମ୍ପୂର୍ଣ୍ଣ ବିପରୀତ ଘଟଣା ଦେଖିବାକୁ ମିଳିଛି । ଏକ ରୋଗିଣା ଓ ଦୁର୍ବଳ ମାଆ କଲରାପତରିଆ ବାଘ ସହ ସ୍ଥାନୀୟ ଲୋକେ ଅତି ଅମାନବୀୟ କାର୍ଯ୍ୟ କରିଥିବା ଦେଖାଯାଇଛି । ଘଟଣାର ଭିଡିଓ ଏବେ ସୋସିଆଲ ମିଡିଆରେ ଦ୍ରୁତ ଗତିରେ ଭାଇରାଲ୍ ହେବା ସହ ସଭିଁଙ୍କ ଧ୍ୟାନକୁ ଆକର୍ଷିତ କରୁଛି ।
ଭିଡିଓକୁ ଦେଖିବା ପରେ ଲୋକେ ନିଜର ଭିନ୍ନ ଭିନ୍ନ ମତ ଦେଇଛନ୍ତି । ଭିଡିଓରେ ଦେଖିପାରିବେ, ଏକ ଆହତ,ରୋଗିଣା କଲରାପତରିଆ ବାଘ ବର୍ଷାରେ ଭିଜିବା ପରେ ସମ୍ପୂର୍ଣ୍ଣ ଦୁର୍ବଳ ହୋଇପଡିଛି । ଗଛ ତଳେ ବସିବା ସହ ନିଜ ସ୍ଥାନରେ ଅନ୍ୟତ୍ର ମଧ୍ୟ ଯାଇପାରୁ ନଥିଲା ।
पैंथर के साथ ये क्या किया!!!!!#viral #Indian pic.twitter.com/Q42bqxIWw6
— STUMPMIC (@STUMPMIC25667) June 24, 2025
ବାଘର ଏଭଳି ଅବସ୍ଥାର ସୁଯୋଗ ନେଇ ଗ୍ରାମବାସୀ ଏକାଠି ହୋଇ ବାଘର ବେକରେ ଏକ ଓଢଣୀ ବାନ୍ଧି କୁକୁର ଭଳି ଏଣେତେଣେ ବୁଲାଇବାକୁ ଲାଗିଲେ । କେହି କେହି ସେଲଫି ନେବା ସହ ଭିଡିଓ ମଧ୍ୟ କରିଛନ୍ତି । ଯାହା ପରେ ଭାଇରାଲ୍ ହୋଇଛି । ବାଘଟି କାହା ଉପରେ ଆକ୍ରମଣ ମଧ୍ୟ କରି ନାହିଁ । ବନ୍ୟଜନ୍ତୁଙ୍କ ସହ ଏଭଳି ବ୍ୟବହାର ଆଦୌ ଗ୍ରହଣୀୟ ନୁହେଁ ବୋଲି ଲୋକେ ମତ ଦେଇଛନ୍ତି।
ଶକ୍ତିଶାଳୀ ରାଜଯୋଗ.. ଏହି ରାଶିଙ୍କ ଜୀବନରେ ହେବ ବଡ ପରିବର୍ତ୍ତନ; ବର୍ଷିବ ଧନ, କିଣିବେ ଘର,ଗାଡି..
