ଛାତିରେ ନୁହେଁ, ବ୍ୟାଗରେ ରହିଛି ଏହି ମହିଳାଙ୍କ ହୃଦୟ; ବିନା ହୃଦୟରେ ବଞ୍ଚିଥିବା ବିଶ୍ବର ଏକମାତ୍ର ମଣିଷ

ଜୀଇବା ପାଇଁ ମଣିଷର ହୃଦୟ ଲୋଡ଼ା, ହୃଦସ୍ପନ୍ଦନ ଆବଶ୍ୟକ  । ହୃଦୟ ବିନା ବଞ୍ଚିବା ସମ୍ଭବ ନୁହେଁ, କିନ୍ତୁ ଯଦି ଆପଣଙ୍କୁ କେହି କହେ ଯେ   ହୃଦୟ ବିନା ଜୀଇବା ସମ୍ଭବ ତେବେ ଆପଣ କ’ଣ ବିଶ୍ବାସ କରିବେ । ବରଂ ଏହି କଥା କହୁଥିବା ଲୋକକୁ ଆପଣ ପାଗଳ ବୋଲି କହିପାରନ୍ତି । ମାତ୍ର ଆଜି ଜଣେ ମହିଳାଙ୍କ ସମ୍ପର୍କରେ ଆମେ ଆପଣଙ୍କୁ କହିବାକୁ ଯାଉଛୁ, ଯିଏ ବିନା ହୃଦୟରେ ବଞ୍ଚିଛନ୍ତି । ତାଙ୍କ ଛାତି ଭିତରେ ନୁହେଁ, ହୃଦୟକୁ ସେ ଏକ ବ୍ୟାଗରେ ଧରି ଚାଲିଛନ୍ତି । ଏହି ମହିଳାଙ୍କ ନାଁ ହେଉଛି ସାଲୱା ହୁସେନ ।  ସେ ହେଉଛନ୍ତି ଇଂଲଣ୍ଡର ବାସିନ୍ଦା ।

ଇଂଲଣ୍ଡରୁ ପ୍ରକାଶିତ ଏକ  ଖବରକାଗଜ ଅନୁଯାୟୀ, ୩୯ ବର୍ଷ ବୟସ୍କା ସାଲୱା ହୁସେନ୍ ହେଉଛନ୍ତି ବିଶ୍ବର ଏକମାତ୍ର ମଣିଷ ଯିଏ ହୃଦୟକୁ ବ୍ୟାଗରେ ବୋହି ଜୀଇ ରହିଛନ୍ତି । ତାଙ୍କ ହୃଦୟ ତାଙ୍କ ଦେହ ଭିତରେ ନାହିଁ ।   ସାଲୱା ହୁସେନ୍ ବିବାହିତା ଏବଂ ତାଙ୍କର ଦୁଇଟି ସନ୍ତାନ ଅଛନ୍ତି। ସେ ସର୍ବଦା ସାଧାରଣ ଜୀବନଯାପନ କରିବାକୁ ଚେଷ୍ଟା କରନ୍ତି। ଯେଉଁ ବ୍ୟାଗରେ ସାଲୱାଙ୍କ ହୃଦୟ ରଖାଯାଏ, ସେ ଏହାକୁ ସବୁବେଳେ ନିଜ ପାଖରେ ରଖନ୍ତି | ତାଙ୍କ ଛାତିରେ ପାୱାର ପ୍ଲାଷ୍ଟିକ୍ ଚାମ୍ବର ରଖାଯାଇଛି |

ସେଥିରୁ ୨ ଟି ପାଇପ୍ ବାହାରିଥାଏ | ଏହି ପମ୍ପଟି ଏକ ଇଲେକ୍ଟ୍ରିକ୍ ମୋଟର ଦ୍ୱାରା ଚାଳିତ ଏବଂ ସେହି ଚାମ୍ବରଗୁଡ଼ିକୁ ବ୍ୟାଟେରୀ ଏବଂ ଭେଣ୍ଟ ଦ୍ୱାରା ଚାଳିତ | ଏହି ବାୟୁ ମାଧ୍ୟମରେ ଚାମ୍ବରଗୁଡ଼ିକ ହୃଦୟ ପରି କାର୍ଯ୍ୟ କରେ ଏବଂ ସମଗ୍ର ଶରୀରକୁ ରକ୍ତ ଦେଇଥାଏ, ଯେଉଁଥିରେ ଚାମ୍ବରଟି ସାଲୱା ଛାତି ଭିତରେ ଥିବାବେଳେ ପମ୍ପ, ମୋଟର ଏବଂ ବ୍ୟାଟେରୀ ବାହାରେ | ସମସ୍ତ ତିନୋଟି ଜିନିଷ ସାଲୱା ତାଙ୍କ ବ୍ୟାଗରେ ନେଇଯାଆନ୍ତି |

ଅବଶ୍ୟ ସାଲୱାଙ୍କ ସ୍ବାମୀ ସବୁବେଳେ ଭୟ ମଧ୍ୟରେ ଗତି କରିଥାଆନ୍ତି । କାରଣ ପୁରୁଣା ବ୍ୟାଟେରୀ ଶେଷ ହେବା ପରେ ନୂଆ ବ୍ୟାଟେରୀ ଲଗାଇବା ପାଇଁ ତାଙ୍କ ପାଖରେ ମାତ୍ର ୯୦ ସେକେଣ୍ଡର ରହିଥାଏ । ଏହି ୯୦ ସେକେଣ୍ଡ ମଧ୍ୟରେ ବ୍ୟାଟେରୀ ପରିବର୍ତନ ନ ହେଲେ ସାଲୱାଙ୍କ ମୃତ୍ୟୁ ଅବଧାରିତ।  ତଥାପି ଗତ କିଛି ବର୍ଷ ମଧ୍ୟରେ କେବେ ଏପରି ସମସ୍ୟା ହୋଇନାହିଁ । ଠିକ୍ ସମୟରେ ବ୍ୟାଟେରୀ ପରିବର୍ତନ କରାଯାଇଛି ଏବଂ ସାଲୱା ଜୀବିତ ଅଛନ୍ତି । ଏତେ ସବୁ ସମସ୍ୟା ମଧ୍ୟରେ ସାଲୱା ସବୁବେଳେ ଖୁସି ରହିଥାଆନ୍ତି ଓ ସବୁବେଳେ ହସୁଥାଆନ୍ତି । ଅନେକ ସମୟରେ ଅତି ଛୋଟଛୋଟ କଥାରେ ଆମେମାନେ ବ୍ୟସ୍ତ ବିବ୍ରତ ହୋଇପଡ଼ୁ, ମାତ୍ର ସାଲୱା ଏହିପରି ଲୋକଙ୍କ ପାଇଁ ଏକ ଉଦାହରଣ । ତାଙ୍କଠାରୁ ସମସ୍ତେ ପ୍ରେରଣା ନେବା ଉଚିତ୍ ।