ନୂଆଦିଲ୍ଲୀ – ଚୀନ୍ ରାଷ୍ଟ୍ରପତି ସି ପିଙ୍ଗଙ୍କ ସ୍ୱପ୍ନର ପ୍ରକଳ୍ପ ବିଆର୍ଆଇ, ବେଲ୍ଟ ଆଣ୍ଡ ରୋଡ ଯୋଜନା ଏବେ ଏକ ପ୍ରକାର ବନ୍ଦ ହେବା ସ୍ଥିତିରେ । ଏହା ଏକ ଟ୍ରିଲିୟନ ଡଲାରର ପ୍ରକଳ୍ପ । ଏହି ଫୋରମର ବୈଠକ ହେବା ପୂର୍ବରୁ ଏବେ ଅନେକ ପ୍ରଶ୍ନ ଉଠିଛି । ୨୦୧୭ରେ ବିଆର୍ଆଇ ପ୍ରକଳ୍ପ ପାଇଁ ସାରା ବିଶ୍ୱର ନେତା ଏକତ୍ରିତ ହୋଇଥିଲେ । ଏହି ପ୍ରକଳ୍ପ ସାହାଯ୍ୟରେ ଚୀନ୍ ସାରା ବିଶ୍ୱରେ ନିଜର ପ୍ରତିପତି ଜାହିର କରିବା ପାଇଁ ଚାହିଥିଲା । ସି ପିଙ୍ଗ୍ ଏହାକୁ ଶତାଦ୍ଦୀର ଶ୍ରେଷ୍ଠ ପ୍ରକଳ୍ପ ବୋଲି ନାମ ଦେଇଥିଲେ ।
ଏହି ପ୍ରକଳ୍ପ ପାଇଁ ଏକ ଟ୍ରିଲିୟନ ଅର୍ଥ ମିଳି ସାରିଛି । ହେଲେ ପ୍ରକଳ୍ପରେ ସାମିଲ ହୋଇଥିବା ବିଭିନ୍ନ ଦେଶଙ୍କ ଉତ୍ସାହ ହ୍ରାସ ପାଇଛି । ୨୦୧୮ ଠାରୁ ଚୀନ୍ରେ ଏହି ଦେଶମାନଙ୍କରେ ବିଭିନ୍ନ କାର୍ଯ୍ୟକଳାପ ପ୍ରାୟ ୪୦ ପ୍ରତିଶତ ହ୍ରାସ ପାଇଛି । ଆମେରିକା ସହ ମୁହାଁମୁହିଁ ହେବା ଏବଂ ସମ୍ପର୍କରେ ତିକ୍ତତା ଆସିବା ଯୋଗୁଁ ବିଭିନ୍ନ ଦେଶ ଏବେ ଚୀନ୍ ସହ ଏକାଠି ହେବା ପାଇଁ ଆଗ୍ରହ ଦେଖାଉ ନାହାନ୍ତି । ଇଟାଲୀ ମଧ୍ୟ ଏହି ପ୍ରକଳ୍ପରୁ ଓହରି ଯିବା ପାଇଁ ସଙ୍କେତ ଦେଇଛି ।
କୋଭିଡ୍ ପରେ ଚୀନ୍ର ଅର୍ଥବ୍ୟବସ୍ଥା ଏବେ ଖରାପ ଦିଗରେ ଗତି କରୁଥିବାରୁ ପ୍ରକଳ୍ପ ଏବେ ମୃତ ଅବସ୍ଥାରେ ବୋଲି ଚୀନ୍ର ଜଣେ ବରିଷ୍ଠ ଅଧିକାରୀ ସୂଚନା ଦେଇଛନ୍ତି ।
ଚୀନ୍ର ରାଷ୍ଟ୍ରପତି ଏଥିରେ ପୁଣି ଜୀବନଦାନ ପାଇଁ ଏକ ବୈଠକ ଡାକିଛନ୍ତି । ଏଥିରେ ଚୀନ୍ ସହ ରୁଷ୍, ହଙ୍ଗେରୀ, ଇଣ୍ଡୋନେସିଆ , ଆର୍ଜେଣ୍ଟିନା ଏବଂ ଥାଇଲାଣ୍ଡାର ଶାସକ ମୁଖ୍ୟ ସାମିଲ ହେବାର ସମ୍ଭାବନା ରହିଛି ।
