ଆଠଗଡ : ଆଠଗଡ ଥାନା ଅନ୍ତର୍ଗତ ଇଚ୍ଛାପୁର ପଞ୍ଚାୟତ ଅଧିନ ମୁକ୍ତାଦେଇପୁର ଗ୍ରାମର ମହାଦେବ ମନ୍ଦିର ଓ ହନୁମାନ ମନ୍ଦିରରୁ ଶୁକ୍ରବାର ବିଳମ୍ବିତ ରାତ୍ରିରେ ଚୋରି ହୋଇଥିବା ଜଣାପଡିଛି । ଶନିବାର ସକାଳେ ମହାଦେବ ମନ୍ଦିରର ପୂଜକ ବସନ୍ତ କୁମାର ମିଶ୍ର ମନ୍ଦିର ଦ୍ୱାର ଫିଟାଇବା ପାଇଁ ଆସିବା ବେଳେ ମନ୍ଦିରର କବାଟ ଭଙ୍ଗାଯାଇଥିବା ଦେଖି ଗ୍ରାମବାସୀଙ୍କୁ ଡାକିଥିଲେ । ଗ୍ରାମବାସୀ ପହଞ୍ଚିବା ପରେ ମହାଦେବ ମନ୍ଦିର ମଧ୍ୟରୁ ଘଣ୍ଟ, ଘଣ୍ଟା ଓ ସମସ୍ତ ପିତ୍ତଳ ସାମଗ୍ରୀ ଚୋରି ହୋଇଥିବା ଦେଖିଥିଲେ । ନିକଟରେ ଥିବା ହନୁମାନ ମନ୍ଦିରରେ ମଧ୍ୟ ଅନୁରୁପ ଭାବେ କବାଟ ଭଙ୍ଗାଯାଇ ସମସ୍ତ ପିତ୍ତଳ ସାମଗ୍ରୀ ଚୋରୀ ହୋଇଥିବା ଦେଖିବାକୁ ପାଇଥିଲେ । ମହାଦେବ ମନ୍ଦିରରେ ଥିବା ହୁଣ୍ଡିବାକ୍ସକୁ ମଧ୍ୟ ଦୁର୍ବୁତ୍ତମାନେ ଭାଙ୍ଗି ତା ମଧ୍ୟରେ ଥିବା ଦାନଦକ୍ଷିଣା ଲୁଟିନେଇ ଭଙ୍ଗାବାକ୍ସକୁ ମନ୍ଦିର ପାଖରେ ଫୋପାଡି ଦେଇଯାଇଥିବା ଦେଖାଯାଇଥିଲା । ଏ ସଂପର୍କରେ ମନ୍ଦିରର ପୂଜକ ବସନ୍ତ କୁମାର ମିଶ୍ର ଏବଂ ଗ୍ରାମବାସୀଙ୍କ ମଧ୍ୟରୁ ରାମଚନ୍ଦ୍ର ସାହୁ, ସତ୍ୟବାଦୀ ସାହୁ, ମଳୟ କୁମାର ସାହୁ, ଦିବ୍ୟରଞ୍ଜନ ସାହୁ ପ୍ରମୁଖ ଲିଖିତ ଭାବେ ଆଠଗଡ ଥାନାରେ ଏତଲା ଦେଇଥିବା ଜଣାପଡିଛି। ଏ ସଂପର୍କରେ ପୁଲିସ ତଦନ୍ତ ଆରମ୍ଭ କରିଛି ବୋଲି ଆଇଆଇସି ବାମଦେବ ସ୍ୱାଇଁଙ୍କ ସୁତ୍ରରୁ ପ୍ରକାଶ।
Comments are closed.