ଗାଜା- ଗାଜାରେ ଏବେ ହାମାସ ଏବଂ ଇସ୍ରାଏଲ୍ ମଧ୍ୟରେ ଚାଲିଥିବା ଯୁଦ୍ଧରେ ଏଆଇ ବା କୃତ୍ରିମ ବୁଦ୍ଧିମତାର ବ୍ୟବହାର କରାଯାଉଛି । ହାମାସର ଆତଙ୍କୀମାନଙ୍କୁ ଠାବ କରିବା ପାଇଁ ଇସ୍ରାଏଲ୍ ଏଆଇର ବ୍ୟବହାର କରୁଥିବା ସୂଚନା ମିଳିଛି । ହାମାସ ଆକ୍ରମଣରେ ୧୪୦୦ ଜଣ ଲୋକଙ୍କର ମୃତ୍ୟୁ ହୋଇଥିବା ବେଳେ ଇସ୍ରାଏଲ୍ ଆକ୍ରମଣରେ ୧୪ ହଜାର ଲୋକଙ୍କର ମୃତ୍ୟୁ ହୋଇସାରିଲାଣି ।
ଗାଜାରେ ଏବେ ଇସ୍ରାଏଲ୍ ଚାରିପଟୁ ଆକ୍ରମଣ କରୁଛି । ସ୍ଥଳପଥ, ଜଳପଥ , ଆକାଶପଥରୁ ଘନ ଘନ ଆକ୍ରମଣ ଚଳାଇଛି । ସ୍ଥଳପଥ ଏବଂ ଆକାଶ ପଥରେ ଆକ୍ରମଣ ପାଇଁ ଇସ୍ରାଏଲ୍ ପକ୍ଷରୁ କୃତ୍ରିମ ବୁଦ୍ଧିମତାର ବ୍ୟବହାର କରାଯାଉଛି ।
ଏଥିରେ ଗୋସେପେଲ୍ ପରି ସିଷ୍ଟମକୁ ବ୍ୟବହାର କରାଯାଉଛଇ । ଏହା ଆତଙ୍କବାଦୀଙ୍କ ଆଡ୍ଡାକୁ ନିମିଷେକ ମଧ୍ୟରେ ନଷ୍ଟ କରି ଦେଇଥାଏ । ୨୦୨୧ ଯୁଦ୍ଧ ସମୟରେ ହ୍ୟୁମାନ ଇଣ୍ଟିଲିଜେନ୍ସ ବା ମଣିଷର ବୁଦ୍ଧି ମତା ଏବଂ ଭିଜୁଆଲ୍ ଇଣ୍ଟିଲିଜେନ୍ସର ବ୍ୟବହାର କରାଯାଇ ଆତଙ୍କବାଦୀ ଏବଂ ଶତ୍ରୁ ସୈନ୍ୟଙ୍କ ବିଷୟରେ ତଥ୍ୟ ସଂଗ୍ରହ କରାଯାଉଥିଲା ।
ଇସ୍ରାଏଲ୍ର ଦାବି ଅନୁସାରେ ୧୨ ହଜାରରୁ ଅଧିକ ଆତଙ୍କବାଦୀଙ୍କ ଆଡ୍ଡାକୁ ନଷ୍ଟ କରାଯାଇ ସାରିଲାଣି । ଏଆଇର ସାହାଯ୍ୟରେ ସାମୁହିକ ଭାବେ ଆତଙ୍କବାଦୀଙ୍କୁ ଲକ୍ଷ୍ୟଭେଦ କରାଯାଇପାରୁଛି ।
Comments are closed.