ଗୁରୁତର ରୋଗୀଙ୍କ ଚିକିତ୍ସା ନିମନ୍ତେ ୧୭ ଲକ୍ଷ ୪୫ ହଜାର ଟଙ୍କା ମଂଜୁର କଲେ ମୁଖ୍ୟମନ୍ତ୍ରୀ

ରାଜ୍ୟର ବିଭିନ୍ନ ଅଂଚଳରେ ଗୁରୁତର ରୋଗରେ ଆକ୍ରାନ୍ତ ରୋଗୀମାନଙ୍କ ଚିକିତ୍ସା ନିମନ୍ତେ ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠି’ରୁ ୧୭ ଲକ୍ଷ ୪୫ ହଜାର ଟଙ୍କା ମଂଜୁର କରାଯାଇଛି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ଅର୍ଥ ମଂଜୁର କରିଛନ୍ତି। ମଂଜୁର ହୋଇଥିବା ସହାୟତା ମଧ୍ୟରେ ୮ ଜଣଙ୍କୁ ୧ ଲକ୍ଷ ଲେଖାଏଁ ଟଙ୍କା ସହାୟତା ଦିଆଯାଇଥିବା ବେଳେ ୪ ଜଣଙ୍କୁ ୭୫ ହଜାର ଲେଖାଏଁ ସହାୟତା ଯୋଗାଇ ଦିଆଯାଇଛି। ମୋଟ ୨୯ ଜଣଙ୍କୁ ଏଭଳି ସହାୟତା ମଂଜୁର କରିଛନ୍ତି ମୁଖ୍ୟମନ୍ତ୍ରୀ।

CM @Naveen_Odisha sanctioned CMRF funds to applicants for treatment of critical ailments. pic.twitter.com/Ukc11mz8Wt

— CMO Odisha (@CMO_Odisha) January 1, 2021

ସହାୟତା ପାଇଥିବା ୨୯ ଜଣଙ୍କ ମଧ୍ୟରେ ଖୋର୍ଦ୍ଧା ଜିଲ୍ଲାରୁ ସର୍ବାଧିକ ୧୦ ଜଣ ଥିବା ବେଳେ ଗଂଜାମ, ପୁରୀ ଓ ସୁବର୍ଣ୍ଣପୁରରୁ ୩ ଜଣ ଲେଖାଏଁ ଓ କେନ୍ଦ୍ରାପଡା, ଭଦ୍ରକ, ସମ୍ବଲପୁର, କଟକ, କେନ୍ଦୁଝର, ସମ୍ବଲପୁର ଓ ବାଲେଶ୍ୱରରୁ ଜଣେ ଲେଖାଏଁ ଅଛନ୍ତି। ପୂର୍ବରୁ ଗତ ଡିସେମ୍ବର ୨୪ରେ ରାଜ୍ୟର ୫୧ ଜଣଙ୍କ ପାଇଁ ୩୩ ଲକ୍ଷ ୩୦ ହଜାର ଟଙ୍କା ଆର୍ଥିକ ସହାୟତାଯୋଗୀ ଦିଆଯାଇଥିଲା।