ମୁମ୍ବଇ : ଇମରାନ୍ ହାଶମୀ ଓ ଋଷି କପୁରଙ୍କ ଅଭିନୀତ ଆଗାମୀ ଚଳଚ୍ଚିତ୍ର ‘ଦି ବଡି’ର ଟ୍ରେଲର ଶୁକ୍ରବାର ରିଳିଜ୍ ହୋଇଛି। ଥ୍ରୀଲର୍ ଓ ସସ୍ପେନ୍ସରେ ଭରା ଏହି ଟ୍ରେଲରକୁ ଲୋକେ ଖୁବ୍ ପସନ୍ଦ କରୁଥିବା ଦେଖିବାକୁ ମିଳିଛି। ଏ ଦୁହିଁଙ୍କ ବ୍ୟତୀତ ଚଳଚ୍ଚିତ୍ରରେ ବେଦିକା ଓ ସୋଭିତା ଧୁଲିପାଲା ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ କରିଛନ୍ତି।
ଏହି ଚଳଚ୍ଚିତ୍ର ଏପରି ଏକ କାହାଣୀ ଉପରେ ଆଧାରିତ, ଯେଉଁଥିରେ ଜଣେ ମହିଳାଙ୍କ ମୃତଦେହ ଲ୍ୟାବ୍ରୁ ଗାୟବ ହୋଇଯାଉଛି। ହେଲେ ମୃତଦେହ କୁଆଡ଼େ ଗଲା ଏନେଇ କାହାକୁ କିଛି ଜଣାନାହିଁ। ଯେଉଁ ମହିଳାଙ୍କ ମୃତଦେହ ହଜିଯାଉଛି, ତାଙ୍କ ସ୍ୱାମୀ ଭୂମିକାରେ ଇମରାନ୍ ଅଭିନୟ କରିଛନ୍ତି। ଏହାପରେ ମୃତଦେହକୁ ଖୋଜିବା ଆରମ୍ଭ ହେଉଛି ଏବଂ ଏହାସହିତ ଅନେକ ଲୁକ୍କାୟିତ ତଥ୍ୟ ସାମ୍ନାକୁ ଆସିବାରେ ଲାଗୁଛି।
ସୁନୀର ଖେତରପାଲଙ୍କ ପ୍ରଯୋଜିତ ଏହି ଚଳଚ୍ଚିତ୍ରର ନିର୍ଦ୍ଦେଶନା ଭାର ଜିତୁ ଜୋସେଫ ବହନ କରିଛନ୍ତି। ‘ଦି ବଡି’ ୧୩ ଡିସେମ୍ବରରେ ପରଦାକୁ ଆସିବ।
ରିଲିଜ୍ ହେଲା ‘ଦି ବଡି’ର ଟ୍ରେଲର
Popular Categories
Previous article
Next article