ଠାକୁରମୁଣ୍ଡା: ଠାକୁରମୁଣ୍ଡା-ଉଦଳା ରାସ୍ତାର ଗୋବରଯୋଡ଼ା ନଦୀ ପୋଲ ନିକଟ ବାଙ୍କରେ ବାଇକ୍ ଦୁର୍ଘଟଣା ଘଟି ବାପାର ମୃତ୍ୟୁ ଘଟିଥିବାବେଳେ ପୁଅ ଆହତ ହୋଇଛନ୍ତି। ମୃତକ ଜଣକ ମହୁଲଡିହା ଥାନା ଅନ୍ତର୍ଗତ ଡ଼ଙ୍ଗାଡ଼ିହା ଗ୍ରାମର ସିଦିଓ ହାଇବରୁ ବୋଲି ଜଣାପଡିଛି। ବୁଧବାର ବିଳମ୍ବିତ ରାତିରେ ମୃତକ ସିଦିଓଙ୍କ ପୁଅ ଉଦୟ(୧୭) ନୟାଗଡ଼ରେ ଥିବା ଏକ ବିଦ୍ୟାଳୟରେ ପାଠ ପଢ଼ନ୍ତି। ପୁଅ ଛୁଟିରେ ଘରକୁ ଆସିଥିବାବେଳେ ଛୁଟି ସରିବା ପରେ ପୁଅ ନୟାଗଡ଼ ଯିବାକୁ ଭୁବନେଶ୍ୱର ଯାଉଥିବା ରାତ୍ରି ବସ୍ରେ ବସାଇବା ପାଇଁ ସିଦିଓ ଘରୁ ବାଇକରେ ପୁଅକୁ ବସାଇ ଠାକୁରମୁଣ୍ଡା ଆସୁଥିବା ବେଳେ ରାତି ପ୍ରାୟ ୧୦ଟା ସମୟରେ ଗୋବରଯୋଡା ନଦୀ ପୋଲ ବାଙ୍କ ରାସ୍ତାରେ ଦୁର୍ଘଟଣା ଘଟିଥିଲା। ଆମ୍ବୁଲାନ୍ସ ଯୋଗେ ଉଭୟଙ୍କୁ ଠାକୁରମୁଣ୍ଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା। ଚିକିତ୍ସାଧୀନ ଅବସ୍ଥାରେ ବାପା ସିଦିଓଙ୍କ ମୃତ୍ୟୁ ଘଟିଥିବା ବେଳେ ପୁଅ ଆହତ ହୋଇଥିବାରୁ ଚିକିତ୍ସାଧୀନ ଅଛନ୍ତି। ଖବରପାଇ ଠାକୁରମୁଣ୍ଡା ଥାନା ଅପମୃତ୍ୟୁ ମାମଲା ରୁଜୁ କରି ଶବ ବ୍ୟବଚ୍ଛେଦ ନିମନ୍ତେ ପଠାଇ ଅଧିକ ତଦନ୍ତ କରୁଛି।
Comments are closed.