ଜୟପୁର: ଜାମ୍ମୁ କାଶ୍ମୀରରେ ପୁଣି ଆତଙ୍କବାଦୀ ଆକ୍ରମଣ ହୋଇଛି। ଏଥର ଆତଙ୍କବାଦୀମାନେ ଭାରତୀୟ ସୈନ୍ୟଙ୍କୁ ନୁହେଁ, ପର୍ଯ୍ୟଟକ ମାନଙ୍କୁ ଟାର୍ଗେଟ୍ କରିଛନ୍ତି। ଜୟପୁରରୁ ଏକ ଦମ୍ପତ୍ତି ଜାମ୍ମୁ କାଶ୍ମୀର ବୁଲିବାକୁ ଯାଇଥିବାବେଳେ ତାଙ୍କୁ ଗୁଳି କରାଯାଇଛି। ଫଳରେ ତବରେଜ୍ , ସ୍ତ୍ରୀ ଫରାହଙ୍କ ଅବସ୍ଥା ଗୁରୁତର ରହିଛି। ଉଭୟ ରାଜସ୍ଥାନ ଜୟପୁରରୁ ୫୦ ଲୋକଙ୍କ ସହ ମିଶି କାଶ୍ମୀର ବୁଲିବାକୁ ଯାଇଥିଲେ। ରବିବାର ରାତିରେ ପହଲଗ୍ରାମରେ ଏହି ଅଘଟଣ ଘଟିଛି। ଗ୍ରୀଷ୍ମଋତୁରେ ଦେଶର କୋଣ ଅନୁକୋଣରୁ କାଶ୍ମୀରକୁ ବହୁ ପର୍ଯ୍ୟଟକଙ୍କର ସୁଅ ଛୁଟେ । କିନ୍ତୁ ଏହି ଘଟଣା ଘଟିବା ପରେ ପର୍ଯ୍ୟଟକଙ୍କ ମଧ୍ୟରେ ଭୟର ବାତାବରଣ ଦେଖାଦେଇଛି। ମିଳିଥିବା ସୂଚନା ଅନୁଯାୟୀ ଆତଙ୍କବାଦୀଙ୍କ ଗୁଳି ତବରେଜ୍ ଙ୍କ ଆଖି ପାଖରେ ବାଜିଥିବାବେଳେ ଫରାହଙ୍କ ଗୋଡରେ ଆଘାତ ଲାଗିଛି । ସେପଟେ ସ୍ଥାନୀୟ ପୁଲିସ୍ ଏହି ଘଟଣାରେ ଅଧିକ ଛାନଭିନ୍ ଜାରି ରଖିଛି।
Comments are closed.