ଇସଲାମାବାଦ- ଭାରତ ଉତ୍ତେଜନା ହ୍ରାସ କରିବୁ ନାହିଁ ବୋଲି ପାକିସ୍ତନ ସେନାର ମୁଖପାତ୍ର ଅରିଫ୍ ଅହମ୍ମଦ ପ୍ରକାଶ କରିଛନ୍ତି । ଏବେ ସେ ନିଜର ସୁରକ୍ଷା କରୁଥିବା କଥା ଗଣମାଧ୍ୟମକୁ ସୂଚନା ଦେଇଛନ୍ତି । ଭାରତ ପାକିସ୍ତାନର ବହୁତ କ୍ଷତି କରିସାରିଲାଣି ବୋଲି ପାକିସ୍ତାନ କହିଛନ୍ତି । ପାକିସ୍ତାନ ସଦା ସର୍ବଦା ଭାରତ ବିରୁଦ୍ଧରେ ଆତଙ୍କବାଦକୁ ସମର୍ଥନ କରିଆସୁଛି । ପାକିସ୍ତାନ ଅଧିକୃତ କାଶ୍ମୀର ସହ ପାକିସ୍ତାନର ଅନେକ ଅଂଶରେ ଆତଙ୍କବାଦୀମାନଙ୍କୁ ତାଲିମ୍ ଦେଉଛି ।
ପେହଲ୍ଗାମ୍ରେ ନୀରିହ ପର୍ଯ୍ୟଟକଙ୍କୁ ଧର୍ମ ପଚାରି ହତ୍ୟା କରିବା ପରେ ଭାରତ ଏବଂ ପାକିସ୍ତାନ ମଧ୍ୟରେ ଉତ୍ତେଜନା ବୃଦ୍ଧି ପାଇଥିଲା । ପାକିସ୍ତାନ ଏହାକୁ ଚିରାଚରିତ ଭାବେ ହାଲ୍କାରେ ନେଇଥିଲା । ଏହାର ଜବାବ୍ରେ ଭାରତ କ୍ଷେପଣାସ୍ତ୍ର ଆକ୍ରମଣ କରି ବିଭିନ୍ନ ଆତଙ୍କବାଦୀ ଆଡ୍ଡାକୁ ନଷ୍ଟ କରିଥିଲା । ଏହା ସହ ଲାହୋରେ ଥିବା ବିଭିନ୍ନ ଏୟାର ଡିଫେନ୍ସ ସିଷ୍ଟମ୍ ନଷ୍ଟ କରିଥିଲା ।
ଭୟଭୀତ ପାକିସ୍ତାନ ମେ ୮ ତାରିଖ ରାତିରେ ଅସ୍ତ୍ର ବିହୀନ ଡ୍ରୋନ୍ ସହ କ୍ଷେପଣାସ୍ତ୍ର ମାଡ କରିଥିଲା । ଏହା ବିରୋଧରେ ଭାରତ ପ୍ରଚଣ୍ଡ ଆକ୍ରମଣ କରିଥିଲା । ଏଥିରେ କରାଚୀ ବନ୍ଦର ନଷ୍ଟ ହେବା ସହ ପାକିସ୍ତାନର ବିଭିନ୍ନ ସହରରେ କ୍ଷେପଣାସ୍ତ୍ର ପଡିଥିଲା । ପାକିସ୍ତାନର ଆକ୍ରମଣକୁ ଭାରତ ପଣ୍ଡ କରିବା ସହ ଓଲଟା ତା ଉପରେ ପ୍ରଚଣ୍ଡ ଆକ୍ରମଣ କରିଥିଲା ।
ତଥାପି ପାକିସ୍ତାନ ଏଥିରେ ଚୁପ୍ ନ ରହି ଆକ୍ରମଣର ଧମକ ଦେଇଛି । ୯ ତାରିଖ ସନ୍ଧ୍ୟ ସମୟେ ଜମ୍ମୁ କଶ୍ମୀର ଉରି, ସହ ପଞ୍ଜାବର ପଠାନକୋଟ୍ରେ ଆକ୍ରମଣ କରିଛି । ଗୋଳାବାରୁଦ ବର୍ଷା ସହ ମଧ୍ୟମ ଧରଣର ଆଗ୍ନେୟାସ୍ତ୍ର ବର୍ଷା କରୁଛି । ଏହର କଡା ଜବାବ୍ ଦେଇଛି ଭାରତୀୟ ସେନା । ଏହା ସହ ପଠାନ୍କୋଟରେ ପାକିସ୍ତାନର ଦୁଇଟି ଡ୍ରୋନ୍କୁ ଭାରତର ଏୟାର ଡିଫେନ୍ସ ସିଷ୍ଟମ ନଷ୍ଟ କରି ଦେଇଛି । ଭାରତୀୟ ସୀମାରେ ବ୍ଲାକ୍ ଆଉଟ୍ କରାଯିବା ସହ ଯୁଦ୍ଧ ସାଇରନ୍ ବାଜିଛି । ଭାରତ ସମସ୍ତ ପ୍ରସ୍ତୁତି ସହ ଆକ୍ରମଣ ଓ ପ୍ରତିଆକ୍ରମଣ ପାଇଁ ପ୍ରସ୍ତୁତ ହୋଇଥିବା କଥା ସରକାରଙ୍କ ପକ୍ଷରୁ ସୂଚନା ଦିଆଯାଇଛି।
