ନୂଆଦିଲ୍ଲୀ: ଆଜି ସନ୍ଧ୍ୟାରେ ପାକିସ୍ତାନ ପକ୍ଷରୁ ସୀମା ଆରପଟୁ ଜୋରଦାର ଆକ୍ରମଣ କରାଯାଇଛି। ଜମ୍ମୁ, ପଠାନକୋଟ, ଉରି, ପୁଞ୍ଚ, ସାମ୍ବା ଆଦି ସ୍ଥାନରେ ପାକିସ୍ତାନ ଘନ ଘନ ଆକ୍ରମଣ ଜାରି ରଖିଛି। ପାକିସ୍ତାନ ଆକ୍ରମଣର ଭାରତୀୟ ସେନା କଡ଼ା ଜବାବ ଦେଉଛି।
ଏବେ ଜମ୍ମୁ ଓ ପଠାନକୋଟ ବ୍ଲାକଆଉଟ୍ ହୋଇଥିବା ଜଣାପଡ଼ିଛି। ସେହିପରି ଉରି, ପୁଞ୍ଚ ଓ ସାମ୍ବାରେ ବି ବ୍ଲାକଆଉଟ୍ ହୋଇଥିବା ସୂଚନା ମିଳିଛି। ପଠାନକୋଟ ଏୟାରବେସ ପାଖରେ ସାଇରନ୍ ବାଜିଛି। ଭାରତୀୟ ଏୟାର ଡିଫେନ୍ସ ସିଷ୍ଟମ ପାକିସ୍ତାନୀ ଡ୍ରୋନ୍କୁ ଧ୍ୱଂସ କରିଦେଇଛି। କାଶ୍ମୀରର ସାମ୍ବା ସେକ୍ଟରରେ ପ୍ରଚଣ୍ଡ ବିସ୍ଫୋରଣ ହୋଇଛି। ପାକିସ୍ତାନ ଡ୍ରୋନକୁ ବାୟୁସେନା ଖସାଇ ଦେଇଛି। ଏୟାର ଡିଫେନ୍ସ ସିଷ୍ଟମ ଏସ-୪୦୦ ସକ୍ରିୟ ରହିଛି।
ଆଜି ପାକିସ୍ତାନ ପକ୍ଷରୁ ପଠାନକୋଟରେ ଡ୍ରୋନ ଆକ୍ରମଣ କରାଯାଇଥଲା। ପାକିସ୍ତାନ ଆକ୍ରମଣର ଭାରତୀୟ ସେନା କଡ଼ା ଜବାବ ଦେଉଛି। ସୀମା ଆରପଟୁ ଜୋରଦାର ଗୁଳିଗୋଳା ମାଡ଼ କରାଯାଉଛି। ପଠାନକୋଟ ଆକ୍ରମଣ ପୂର୍ବରୁ ଉରିରେ ପାକିସ୍ତାନ ପଟୁ ପୁଣି ଗୁଳିବର୍ଷା ଜାରି ରହିଛି। ଉରିରେ ପାକିସ୍ତାନ ଆକ୍ରମଣର କଡ଼ା ଜବାବ ଦେଉଛି ଭାରତୀୟ ସେନା। ପାକିସ୍ତାନର ସବୁ ଆକ୍ରମଣ ଉଦ୍ୟମକୁ ଭାରତ ବିଫଳ କରୁଥିବା ଜଣାପଡ଼ିଛି।
Comments are closed.