ତେଲକୋଇ : ବିଦ୍ୟାଳୟର ଛାତ୍ରୀଙ୍କୁ ବାରମ୍ବାର ଅସଦାଚରଣ କରି ବନ୍ଧାହେଲେ ସ୍କୁଲର ରସିକିଆ ପ୍ରଧାନ ଶିକ୍ଷକ । ପ୍ରଧାନ ଶିକ୍ଷକ ଖରାପ ଭାବେ ସ୍ପର୍ଶ ସହ ଅଭଦ୍ର ବ୍ୟବହାର କରୁଥିବା ଅଭିଯୋଗ ହୋଇଥିଲା। ଏହାକୁ ବିରୋଧ କଲେ ଶ୍ରେଣୀଗୃହ ରେ ଛାତ୍ରୀ ଅପମାନିତ ହେଉଥିଲେ ।
ଅନ୍ୟ ଶିକ୍ଷକମାନେ ଏ ବିଷୟରେ ଜାଣିଥିଲେ ମଧ୍ୟ ଚୁପ୍ ରହିଥିଲେ । ବିଦ୍ୟାଳୟର ୧୨ ଜଣ ଛାତ୍ରୀ ପ୍ରଧାନଶିକ୍ଷକ ନାରାୟଣ ଚନ୍ଦ୍ର ସେନାପତି ଏପରି ଖରାପ ଏବଂ ଅଭଦ୍ର ବ୍ୟବହାର କରୁଥିବା ଅଭିଯୋଗ କରିଥିଲେ । ଗ୍ରାମବାସୀ ସମ୍ପୃକ୍ତ ପ୍ରଧାନଶିକ୍ଷକଙ୍କୁ ଅଟକ ରଖି ପୁଲିସକୁ ଖବର ଦେଇଥିଲେ । ପୁଲିସ ସମ୍ପୃକ୍ତ ପ୍ରଧାନଶିକ୍ଷଙ୍କୁ ଥାନାକୁ ଆଣିଛି । ପୂର୍ବରୁ ଛାତ୍ରୀମାନେ ଅନ୍ୟ ଶିକ୍ଷକ ଶିକ୍ଷୟତ୍ରୀମାନଙ୍କୁ ଅଭିଯୋଗ କରିଥିଲେ ମଧ୍ୟ ସେମାନେ ପ୍ରଧାନଶିକ୍ଷକଙ୍କ ଭୟରେ ଚୁପ୍ ରହୁଥିଲେ । ପରେ ଅଭିଭାବକମାନଙ୍କୁ ମାନେ ଏ ବିଷୟରେ ଜାଣିବାପରେ ବିଦ୍ୟାଳୟକୁ ଆସି ଅଭିଯୋଗ କରିବା ସହ ପ୍ରଧାନଶିକ୍ଷକଙ୍କୁ ଅଟକ ରଖିଥିଲେ । ପୂର୍ବରୁ ଏହି ଶିକ୍ଷକ ବିଭିନ୍ନ ସମ୍ମାନରେ ସମ୍ମାନିତ ହୋଇ ମଧ୍ୟ ଏପରି ଘୃଣ୍ୟ କାମ କରୁଥିବା ଛାତ୍ରୀମାନେ ଅଭିଯୋଗ କରିଛନ୍ତି । ପୁଲିସ ଏବିଷୟକେ ତଦନ୍ତ କରୁଛି ।
