ଭୁବନେଶ୍ୱର: ମୋହନ ମାଝୀଙ୍କ ଦେଢ ବର୍ଷର ସରକାର ବିରୋଧରେ ବିଧାନସଭାରେ ଅନାସ୍ଥା ପ୍ରସ୍ତାବ ଆଣିଛି କଂଗ୍ରେସ । ଏହି ଅନାସ୍ଥା ପ୍ରସ୍ତାବ ନେଇ ୧୫ ଜଣ ବିଧାୟକଙ୍କ ସମର୍ଥନ ଥିବା ନେଇ କଂଗ୍ରେସ ନେତାମାନେ ଦାବି କରିଛନ୍ତି । ସିପିଏମ ବିଧାୟକ ଲକ୍ଷ୍ମଣ ମୁଣ୍ଡାଙ୍କ ସମର୍ଥନ ଥିବା ସୂଚନା ମିଳିଛି । ଅନ୍ୟପଟେ ବିରୋଧୀ ବିଜେଡିର ସହଯୋଗ ଲୋଡିଛି କଂଗ୍ରେସ । ବିଜେଡି ଏହି ଅନାସ୍ଥାକୁ ସମର୍ଥନ କରୁ ବୋଲି କଂଗ୍ରେସ ଚାହୁଁଛି । ଏଥିପାଇଁ ବିଜେଡି ବିଧାୟକଙ୍କ ସହ ଆଲୋଚନା କରିବାକୁ କଂଗ୍ରେସ ବିରୋଧୀ ଦଳ ନେତା ନବୀନ ପଟ୍ଟନାୟକଙ୍କ ଚାମ୍ବରକୁ ଯାଇଥିଲେ ।
କଂଗ୍ରେସ ବିଧାୟକ ଦଳ ନେତା ରାମଚନ୍ଦ୍ର କାଡାମ ଏବଂ ଜୟପୁର ବିଧାୟକ ତାରା ପ୍ରସାଦ ବାହିନୀପତି କହିଛନ୍ତି ବିଜେଡି ଆଜି ସନ୍ଧ୍ୟା ୫ଟାରେ ବିଜେଡିର ବୈଠକ ଅଛି । ଆମେ ପ୍ରତାପ ଦେବଙ୍କୁ ଭେଟି ସମର୍ଥନ ମାଗିଛୁ । ଆଲୋଚନା କରି ସେମାନେ ନିଷ୍ପତ୍ତି ଜଣାଇବେ ବୋଲି ସୂଚନା ଦେଇଛନ୍ତି ।
