ଭୁବନେଶ୍ୱର: ଆଗାମି ସାଧାରଣ ନିର୍ବାଚନକୁ ଆଉ କିଛି ମାସ ବାକି ଥିବା ବେଳେ କଂଗ୍ରେସ ଦଳର ନେତା ଦେଲେ ବଡ ବୟାନ। ୨୦୨୪ ନିର୍ବାଚନ ପୂର୍ବରୁ କଂଗ୍ରେସର ଏହି ସବୁ ନେତାଙ୍କୁ ଟିକେଟ ମିଳିବା ନେଇ ଚୂଡାନ୍ତ ହୋଇସାରିଛି। କିଛି ଏଭଳି କହିଛନ୍ତି କଂଗ୍ରେସ ବିଧାୟକ ତାରା ବାହିନୀପତି। ୨୦୨୪ ନିର୍ବାଚନ ପାଇଁ କଂଗ୍ରେସ ଦଳର ୬୦ରୁ ୭୦ ପ୍ରତିଶତ ଟିକେଟ ଫାଇନାଲ ହୋଇସାରିଛି। ସେଥିମଧ୍ୟରୁ ୯ଜଣ ବିଧାୟକଙ୍କୁ ଟିକେଟ ମିଳିବା ସ୍ପଷ୍ଟ ହୋଇଛି। ଏସବୁ ଭିତରେ ବଡ କଥା ହେଲା ଆଗାମି ନିର୍ବାଚନରେ କଂଗ୍ରେସ ଦଳ ଆଗୁଆ ଟିକେଟ ଦେବ ବୋଲି କୁହାଯାଉଛି। ଆସନ୍ତା ଫେବୃଆରୀରେ କଂଗ୍ରେସ ଆଗୁଆ ଟିକେଟ ଦେବ ବୋଲି କହିଛନ୍ତି ତାରା ବାହିନୀପତି।
ସୂଚନା ଅନୁସାରେ ଆସନ୍ତା ଫେବୃଆରୀରେ ରାହୁଲ ଗାନ୍ଧୀଙ୍କ ସମେତ କଂଗ୍ରେସର ଅନେତ କେନ୍ଦ୍ରୀୟ ନେତୃବୃନ୍ଧ ଓଡ଼ିଶା ଆସିବେ। ୨୦୧୯ ନିର୍ବାଚନରେ କଂଗ୍ରେସର ଅନେକ ପ୍ରାର୍ଥୀ ବହୁତ କମ ବ୍ୟବଧାନରେ ପରାସ୍ତ ହୋଇଥିଲେ। ଚଳିତ ନିର୍ବାଚନରେ ସର୍ଭେ କରାଯାଇ ଟିକେଟ ବଣ୍ଟନ କରାଯିବ ବୋଲି ତାରା ବାହିନୀପତି କହିଛନ୍ତି। ତେବେ ନୂଆ ପ୍ରଭାରୀ ଦାୟିତ୍ୱ ନେବା ପରେ ରାଜ୍ୟରେ କଂଗ୍ରେସ ପୁଣି ଥରେ ଆଗରେ ରହିବାକୁ ପ୍ରୟାସ ଜାରି ରଖିଥିବା କୁହାଯାଇପାରେ। ଏଥିପାଇଁ ଦଳ ପକ୍ଷରୁ ନିର୍ବାଚନ ପ୍ରସ୍ତୁତି ଜୋରଦାର ଆରମ୍ଭ ହୋଇଛି।
