ହରଭଙ୍ଗା -ହରଭଙ୍ଗା ବଜାର ସାହିର ବାସିନ୍ଦା ପବିତ୍ର ବେହେରାଙ୍କ ଝିଅ ପଦ୍ମିନୀ ବେହେରା । ପଦ୍ମିନୀ ଛାତରୁ ପଡି ଯିବାରୁ ତାଙ୍କର ଅଣ୍ଟା ଭାଙ୍ଗିଯାଇଛି । ସେ ଦୀର୍ଘ ଆଠ ମାସହେଲା ଚାଲି ବୁଲି ନ ପାରି ଶଯ୍ୟାଶାୟୀ ।
ପଦ୍ମିନୀଙ୍କ ପାଠପଢା ସ୍ୱପ୍ନ ଅଧାରେ ଲଟକି ରହିଛି, ପଦ୍ମିନୀଙ୍କ ସମ୍ପର୍କରେ ମଙ୍ଗଳବାର ସମାଜରେ ଖବର ପ୍ରକାଶ ପାଇଥିଲା । ଏହାପରେ ହରଭଙ୍ଗା ତହସିଲଦାର ଶମ୍ଭୁଭୂଷଣ ମିଶ୍ର ମଙ୍ଗଳବାର ଅପରାହ୍ନ ୪ଟା ସମୟରେ ପଦ୍ମିନୀଙ୍କ ପାଖରେ ପଂହଚିଥିଲେ ।ତାଙ୍କ ସୁବିଧା ଅସୁବିଧା ପଚାରି ବୁଝିଥିଲେ ।ନିଜ ଦରମାରୁ ତାଙ୍କର ଚିକିତ୍ସା ପାଇଁ ତହସିଲଦାର ନଗଦ ୧୦ହଜାରଟଙ୍କା ପ୍ରଦାନ କରିଛନ୍ତି ।
ତାଙ୍କର ଚିକିତ୍ସା ପାଇଁ ଆବଶ୍ୟକୀୟ ସହାୟତା ଯୋଗାଇଦେବାକୁ ବନ୍ଦୋବସ୍ତ କରିବା ପାଇଁ ପରିବାର ଲୋକଙ୍କୁ ପ୍ରତିଶ୍ରୁତି ମଧ୍ୟ ଦେଇଛନ୍ତି ।ତହସିଲଦାରଙ୍କ ଏଭଳି ଉଦାର ଏବଂ ପରୋପକାରୀ ମନୋଭାବକୁ ସବୁ ମହଲରେ ପ୍ରଶଂସା କରାଯାଇଛି ।
Comments are closed.