ନୂଆଦିଲ୍ଲୀ: ସ୍ୱିସ୍ ବ୍ୟାଙ୍କରେ ଭାରତୀୟଙ୍କ କଳାଟଙ୍କା ଜମା ପରିମାଣ ଇତିମଧ୍ୟରେ ୫୦% ବୃଦ୍ଧି ପାଇଥିବା ଜଣାପଡ଼ିବା ପରେ ରାଜନୀତି ପୁଣି ଉଷ୍ମ ହୋଇଛି। ଏହି ପ୍ରସଙ୍ଗରେ ଆରୋପ-ପ୍ରତ୍ୟାରୋପ, ବାଦ-ବିବାଦ, ଲାଗି ରହିଥିବା ବେଳେ ପ୍ରତିଦିନ ନୂଆ ନୂଆ ତଥ୍ୟ ସାମ୍ନାକୁ ଆସୁଛି। ଏବେ ମିଳିଥିବା ଏକ ତଥ୍ୟ ଅନୁଯାୟୀ ସ୍ୱିସ୍ବ୍ୟାଙ୍କରେ କଳାଟଙ୍କା ଜମା କରିବାରେ ପାକିସ୍ତାନୀମାନେ ଭାରତୀୟଙ୍କଠାରୁ ଆଗରେ ଅଛନ୍ତି। ବିଶ୍ୱ ତାଲିକାରେ ଭାରତର ସ୍ଥାନ ୭୩କୁ ବୃଦ୍ଧି ପାଇଥିବା ବେଳେ ଇଂଲଣ୍ଡ ପ୍ରଥମ ସ୍ଥାନରେ ରହିଛି।
ସ୍ୱିସ୍ ବ୍ୟାଙ୍କରେ ଜମା ପ୍ରସଙ୍ଗରେ ୨୦୧୬ରେ ଭାରତର ସ୍ଥାନ ୮୮ ଥିବା ବେଳେ ୨୦୧୭ରେ ୭୩ ସ୍ଥାନକୁ ଉନ୍ନୀତ ହୋଇଛି। ତାଲିକାରେ ପାକିସ୍ତାନର ସ୍ଥାନ ୭୨ରେ ରହିଛି। ଆମେରିକା ଦ୍ୱିତୀୟ ସ୍ଥାନରେ ଥିବା ବେଳେ ତା’ ପଛକୁ ୱେଷ୍ଟ ଇଣ୍ଡିଜ୍, ଫ୍ରାନ୍ସ, ହଂକଂ, ବାହାମସ୍, ଜର୍ମାନୀ, ଲକ୍ସମବର୍ଗ ଓ କେମ୍ୟାନ୍ ଆଇସଲ୍ୟାଣ୍ଡ ଅଛନ୍ତି। ବ୍ରିକ୍ସ ଦେଶ ମଧ୍ୟରେ ଭାରତ ସବୁଠାରୁ ତଳେ ରହିଛି। ଚୀନ୍ ୨୦ ତମ ସ୍ଥାନରେ ରହିଥିବା ବେଳେ ରୁଷିଆ ୨୩, ବ୍ରାଜିଲ୍ ୬୧, ଦକ୍ଷିଣ ଆଫ୍ରିକା ୬୭ ସ୍ଥାନରେ ରହିଛନ୍ତି। ଭାରତଠାରୁ ଆଗରେ ଥିବା ଦେଶଗୁଡ଼ିକ ମଧ୍ୟରେ ସିଙ୍ଗାପୁର, ୟୁଏଇ, ସାଉଦି ଆରବ, ପାନାମା, ଜାପାନ, ଜର୍ସି, ଅଷ୍ଟ୍ରେଲିଆ, ନେଦରଲ୍ୟାଣ୍ଡ, ଇଟାଲୀ, ବେଲଜିୟମ୍, ସାଇପ୍ରସ୍, ଇସ୍ରାଏଲ୍, ମେକ୍ସିକୋ, ବରମୁଡା, ତୁର୍କୀ, କୁଏତ୍, କାନାଡ଼ା, ଥାଇଲ୍ୟାଣ୍ଡ, ଉତ୍ତର କୋରିଆ, ମାଲେସିଆ, ଇଣ୍ଡୋନେସିଆ, ନ୍ୟୁଜିଲ୍ୟାଣ୍ଡ, ଫିଲିପାଇନ୍ସ, ଇରାନ୍, କାଜାଖ୍ସ୍ତାନ୍ ଓ ୟୁକ୍ରେନ୍ ଆଦି ଦେଶ ରହିଛନ୍ତି। ଭାରତ ତଳକୁ କେବଳ ବାଂଲାଦେଶ, ଶ୍ରୀଲଙ୍କା, ନେପାଳ, ଭାଟିକାନ୍ ସିଟି, ଇରାକ୍, ଆଫ୍ଗାନିସ୍ତାନ, ଭୁଟ୍ଟାନ ପରି ରାଷ୍ଟ୍ର ଅଛନ୍ତି।
ସ୍ୱିସ୍ ବ୍ୟାଙ୍କରେ କଳାଟଙ୍କା: ଭାରତଠାରୁ ଆଗରେ ପାକିସ୍ତାନ୍
Popular Categories
Previous article
Next article