ମହାତ୍ମା ଗାନ୍ଧୀ ଯୁବ ଛାତ୍ର ସମାଜର ଆଦର୍ଶ

ଆଠଗଡ : ଗୋପବନ୍ଧୁ ମହିଳା କନିଷ୍ଠ କଲେଜ ଏନଏସଏସ ପକ୍ଷରୁ କଲେଜ ପରିସରରେ ସ୍ୱଚ୍ଛତା ହିଁ ସେବା କାର୍ଯ୍ୟକ୍ରମ ମଧ୍ୟରେ ବ୍ୟାପକ ସଫେଇ ଓ ସଚେତନତା ସୃଷ୍ଟି କରାଯାଇଥିଲା । କଲେଜର ଅଧ୍ୟକ୍ଷା ସଂଯୁକ୍ତା ମହାପାତ୍ର ଏହି କାର୍ଯ୍ୟକ୍ରମକୁ ଉଦ୍‌‌ଘାଟନ କରି ଛାତ୍ରୀମାନଙ୍କୁ ଉଦ୍‌‌ବୋଧନ ଦେବା ଅବସରରେ ଆଜିର ଯୁବଛାତ୍ର ସମାଜ ମହାତ୍ମା ଗାନ୍ଧୀଙ୍କୁ ନିଜର ଆଦର୍ଶ ଭାବେ ଗ୍ରହଣ କରିବା ଆବଶ୍ୟକ ବୋଲି ମତବ୍ୟକ୍ତ କରିଥିଲେ । ଗାନ୍ଧୀ ସବୁବେଳେ ସ୍ୱଚ୍ଛତା ଓ ପରିଷ୍କାର ପରିଚ୍ଛନ୍ନତା ଉପରେ ଗୁରତ୍ୱାରୋପ କରୁଥିଲେ ବୋଲି ଶ୍ରୀମତୀ ମହାପାତ୍ର କହିବା ସହ ଛାତ୍ରୀମାନେ ନିଜ ଘର ସହିତ ନିଜ ଅଞ୍ଚଳରେ ସ୍ୱଚ୍ଛତା ରକ୍ଷା ଦିଗରେ କାର୍ଯ୍ୟ କରିବା ପାଇଁ ପରାମର୍ଶ ଦେଇଥିଲେ। ଜାତୀୟ ସେବା ଯୋଜନାର ସଂଯୋଜିକା ଅଧ୍ୟାପିକା ପ୍ରମୋଦିନି ଜେନା କାର୍ଯ୍ୟକ୍ରମ ପରିଚାଳନା କରିବା ସହ ଶେଷରେ ଧନ୍ୟବାଦ ଅର୍ପଣ କରିଥିଲେ। ଗତ ୧ ତାରିଖରେ ଆଠଗଡ ଏନଏସି ପକ୍ଷରୁ କରାଯାଇଥିବା ୧ଘଣ୍ଟା ଶ୍ରମଦାନ କାର୍ଯ୍ୟକ୍ରମରେ ମଧ୍ୟ ଏହି କଲେଜର ଏନଏସଏସ ସ୍ୱେଚ୍ଛାସେବୀମାନେ ସାମିଲ ହୋଇଥିଲେ।