ନୂଆଦିଲ୍ଲୀ: ନୋଟ୍-ଭୋଟ୍ ମାମଲାରେ ଏକ ଐତିହାସିକ ରାୟ ଶୁଣାଇଛନ୍ତି ସୁପ୍ରମିକୋର୍ଟ । ୧୯୯୮ ନରସିଂହ ରାଓଙ୍କ ବିଚାରକୁ ରଦ୍ଦ କରିବା ସହ ସାଂସଦ ଓ ବିଧାୟକମାନଙ୍କୁ କୌଣସି ଆଇନଗତ ସୁରକ୍ଷା ଦେବାକୁ ସର୍ବୋଚ୍ଚ ଅଦାଲତ ମନା କରିଛନ୍ତି । ସୁପ୍ରିମକୋର୍ଟଙ୍କ ୭ଜଣିଆ ଖଣ୍ଡପୀଠ ଏହି ଐତିହାସିକ ରାୟ ଦେଇଛନ୍ତି । ଟଙ୍କା ନେଇ ଭୋଟ ଦେଲେ ଜନପ୍ରତିନିଧିଙ୍କ ଉପରେ ମାମଲା ରୁଜୁ ହୋଇପାରିବ । ସାଂସଦ ଏବଂ ବିଧାୟକମାନେ ସଂସଦ କିମ୍ବା ବିଧାନସଭାରେ ପ୍ରଶ୍ନ କରିବା ପାଇଁ ଲାଞ୍ଚ ନେଲେ ମଧ୍ୟ ମାମଲା ରୁଜୁ ହେବ । ଏସମ୍ପର୍କରେ ଦାଖଲ ହୋଇଥିବା ଏକ ଆବେଦନ ଉପରେ ଶୁଣାଣି କରି ସୁପ୍ରିମକୋର୍ଟ ଏହି ନିଷ୍ପତି ଶୁଣାଇଛନ୍ତି । ଅର୍ଥାତ ଏହି ମାମଲାରେ ଏଣିକି ଆଉ ଜନପ୍ରତିନିଧିମାନଙ୍କୁ ଆଇନଗତ ସୁରକ୍ଷା ମିଳିପାରିବ ନାହିଁ । ଜନପ୍ରତିନିଧିଙ୍କ ଏଭଳି ଦୁର୍ନୀତି ଗଣତନ୍ତ୍ରକୁ ଧ୍ୱଂସ କରୁଛି ବୋଲି ପ୍ରଧାନ ବିଚାରପତି କହିଛନ୍ତି ।
Popular Categories
Previous article
Next article