ସୁନ୍ଦରଗଡ଼ : ସାଧାରଣତଃ ବାଘର ନାଁ ଶୁଣିଲେ ସଭିଏଁ ଭୟଭୀତ ହୋଇଯାଆନ୍ତି। ଗାଁ ରାସ୍ତାରେ ବାଘ ବୁଲିବା ଶୁଣିଲେ ଭୟଭୀତ ହେବା ମଧ୍ୟ ସାଧାରଣ କଥା। ତେବେ ଏଭଳି ଘଟଣା ଘଟିଛି ସୁନ୍ଦରଗଡ଼ ବଡ଼ଗାଁ ଫରେଷ୍ଟ ରେଞ୍ଜର ହେଲେବାହାଲ ଗାଁରେ। ଗାଁରେ କଲରାପତରିଆ ବାଘର ଆତଙ୍କ ଦେଖାଦେଇଛି। ଆଜି ଜଣଙ୍କ ବାଡି ପଛପଟେ ବାଘ ପଶୁଥିବା ବେଳେ ସ୍ଥାନୀୟ ଲୋକେ ଦେଖି ଜୋରରେ ଚିତ୍କାର କରିବା ଆରମ୍ଭ କରିଥିଲେ। ପାଟି କରିବା ପରେ ଗାଁ ଲୋକ ବାଘକୁ ଘଉଡାଇବାରୁ ବାଘ ବିଲ ଅ।ଡକୁ ପଳାଇଥିଲା। ବାଘଟି ଦୌଡ଼ି ନିକଟ ଜଙ୍ଗଲରେ ବର୍ତ୍ତମାନ ଲୁଚିଛି । ଘଟଣାସ୍ଥଳରେ ଗାଁ ଲୋକଙ୍କ ଭିଡ ଲାଗି ରହିଥିବା ବେଳେ ବନ ବିଭାଗ କର୍ମଚାରୀ ପହଞ୍ଚି ବାଘର ଗତିବିଧି ଉପରେ ନଜର ରଖିଛନ୍ତି। ମାତ୍ର ସ୍ଥାନୀୟ ଲୋକେ ଭୟଭୀତ ଅବସ୍ଥାରେ ରହିଛନ୍ତି।
Comments are closed.