ଭୁବନେଶ୍ବର: ବିଜେପି ନେତା ପୃଥ୍ବୀରାଜ ହରିଚନ୍ଦନ ମିଥ୍ୟା ଓ ଶସ୍ତା ରାଜନୀତି ଛାଡ଼ନ୍ତୁ ବୋଲି ବିଜେଡି ମୁଖପାତ୍ର ସୁଲତା ଦେଓ କହିଛନ୍ତି। ଶ୍ରୀମତି ଦେଓ ଟ୍ବିଟ୍ କରି ଶ୍ରୀ ହରିଚନ୍ଦନ କରିଥିବା ଆରେପର ଉତ୍ତର ରଖିଛନ୍ତି। ସେ କହିଛନ୍ତି ଯେ ଆପଣ ଲୋକଙ୍କ ପ୍ରସଙ୍ଗ କେବେ ଉଠାନ୍ତି ନାହିଁ କି ଲୋକଙ୍କ ସହିତ ମଧ୍ୟ ନାହାନ୍ତି। ଅପରାଧକୁ ନେଇ ଏଭଳି ରାଜନୀତିକରଣ ଓ ମିଥ୍ୟା ଅଭିଯୋଗ କରିବାରୁ ଆପଣଙ୍କୁ ଓଡିଶାବାସୀ ଜିଲା ପରିଷଦ ନିର୍ବାଚନରେ ପରାସ୍ତ କଲେ। ଏବେ ପୌର ନିର୍ବାଚନରେ ପରାସ୍ତ କରିବାକୁ ଯାଉଛନ୍ତି। ତଥାପି ଆପଣ କିଛି ଶିଖୁ ନାହାନ୍ତି। ସେଥିପାଇଁ ଆପଣ ନିଜେ କର୍ପୋରେଟର, ବିଧାୟକ ଓ ସାଂସଦ ଆଦି ଯେକୌଣସି ନିର୍ବାଚନ ଲଢ଼ିଛନ୍ତି, ଆପଣ ପରାସ୍ତ ହୋଇଛନ୍ତି। ଅପରାଧକୁ ନେଇ ଆପଣ ଏମିତି ରାଜନୀତିକରଣ ଓ ମିଥ୍ୟା ଅଭିଯୋଗ କରିଚାଲିଲେ ଓଡ଼ିଶାବାସୀ ମଧ୍ୟ ଏମିତି ଆପଣଙ୍କୁ ପରାସ୍ତ କରୁଥିବେ। ସମୟ ଥାଉ ଥାଉ ଓଡିଶାବାସୀଙ୍କ ମନୋଭାବ ବୁଝନ୍ତୁ। ମିଥ୍ୟା ଓ ଶସ୍ତା ରାଜନୀତି ଛାଡ଼ନ୍ତୁ ବୋଲି ଶ୍ରୀ ଦେଓ କହିଛନ୍ତି।
Comments are closed.