ଆଠଗଡ : ଆଠଗଡ ବିଜ୍ଞାପିତ ଅଞ୍ଚଳ ପରିଷଦର ୧୮ ଟି ୱାର୍ଡରେ ସୁଭଦ୍ରା ଯୋଜନାର ସଚେତନତା ରଥ ମଙ୍ଗଳବାର ଉଦଘାଟିତ ହୋଇଯାଇଛି । ଏନଏସି କାର୍ଯ୍ୟାଳୟ ସନ୍ନିକଟ ବିଜୁ ପଟ୍ଟନାୟକ କଲ୍ୟାଣ ମଣ୍ଡପଠାରେ ନିର୍ବାହୀ ଅଧିକାରୀ ଡଃ ପ୍ରଦୀପ କୁମାର ସାହାଙ୍କ ସଂଯୋଜନାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଯୋଗଦେଇ ଉପନଗରପାଳ ବି ଶୁଭ୍ରଶଙ୍କର ଜ୍ୟୋତି ପତାକା ଦେଖାଇ ରଥ ପରିକ୍ରମାର ଉଦଘାଟନ କରିଥିଲେ । ୨ ଦିନ ମଧ୍ୟରେ ଆଠଗଡ ସହରର ସମସ୍ତ ୧୮ଟି ଯାକ ୱାର୍ଡ ଅନ୍ତର୍ଗତ ସମସ୍ତ ସାହି ବସ୍ତିରେ ଏହି ରଥ ପରିକ୍ରମା କରିବ । ରାଜ୍ୟ ସରକାରଙ୍କର ମହିଳାଙ୍କ ପାଇଁ ଉଦ୍ଦିଷ୍ଟ ଏହି ନୂତନ ସୁଭଦ୍ରା ଯୋଜନା ସମ୍ପର୍କରେ ପ୍ରଚାର ପ୍ରସାର କରି ଜନସଚେତନତା ସୃଷ୍ଟି କରିବା ଏହାର ମୁଖ୍ୟ ଉଦ୍ଦେଶ୍ୟ ବୋଲି ନିର୍ବାହୀ ଅଧିକାରୀ ଡଃ ସାହା କହିଥିଲେ । ଏହି କାର୍ଯ୍ୟକ୍ରମରେ ଉପନଗରପାଳଙ୍କ ବ୍ୟତୀତ ସିଡିପିଓ ନିବେଦିତା ରାୟ, ସାଂସଦଙ୍କ ଏନଏସି ପ୍ରତିନିଧି ସରୋଜ କୁମାର ଦାସଙ୍କ ସମେତ ଏନଏସିର ସମସ୍ତ ଅଧିକାରୀ ଓ କର୍ମଚାରୀ ଏବଂ ସହରର ବିଭିନ୍ନ ମହିଳା ସ୍ୱୟଂ ସହାୟକ ଗୋଷ୍ଠୀର ସଦସ୍ୟ ଯୋଗଦାନ କରିଥିଲେ ।
Comments are closed.