ଭୁବନେଶ୍ୱର . –ବିଜେପିର ଉପସଭାପତି ସୁବାସ ଚୌହାନ ଦଳରୁ ଇସ୍ତଫା ଦେଇଛନ୍ତି। ସେ ଦଳର ସଭାପତି ବସନ୍ତ ପଣ୍ଡାଙ୍କ ନିକଟକୁ ନିଜର ଇସ୍ତଫା ପଠାଇଥିବା ସୂଚନା ଦେଇଛନ୍ତି । ଭୁବନେଶ୍ୱରର ବିଜେପି କାର୍ଯ୍ୟାଳୟରେ ସେ ଇସ୍ତଫା ପତ୍ର ଦେବା ବେଳେ ଦଳର ଉପସଭାପତି ସମୀର ମହାନ୍ତି ଉପସ୍ଥିତ ଥିଲେ । ଲୋକସଭା ନିର୍ବାଚନରେ ଟିକେଟ ବଣ୍ଟାକୁ ନେଇ ସୁବାସ ଅସନ୍ତୁଷ୍ଟ ଥିଲେ । ତାଙ୍କୁ ଏହାପରେ ଦଳର ଉପସଭାପତି ପଦ ଦିଆଯାଇଥିଲା ।
ଗତ ନିର୍ବାଚନରେ ସେ ବରଗଡ ଲୋକସଭା ନିର୍ବାଚନରେ କମ୍ ଭୋଟ୍ ବ୍ୟବଧାନରେ ହାରିଥିଲେ। ଚଳିତ ଥର ସେ ବରଗଡ ଲୋକସଭା ପ୍ରାର୍ଥୀ ପାଇଁ ଆଶାୟୀ ଥିଲେ । ମାତ୍ର ଦଳ ତାଙ୍କୁ ଟିକେଟ ଦେଇ ନଥିଲା । ଏବେ ବିଜେପି ଗୋଟିଏ ଲୋକର କଥାରେ ଚାଲୁଥିବା କଥା ସୁବାସ ଇସ୍ତଫା ଦେବା ପରେ ଗଣମାଧ୍ୟମ ପ୍ରତିନିଧିମାନଙ୍କୁ ସୂଚନା ଦେଇଛନ୍ତି
