ସୁଆଣ୍ଡୋ: ଉତ୍କଳମଣି ଗୋପବନ୍ଧୁ ଦାସଙ୍କ ଜନ୍ମମାଟି ସୁଆଣ୍ଡୋ ପରିଦର୍ଶନ କଲେ ଉତ୍ତରପ୍ରଦେଶ ମଥୁରା ଜିଲ୍ଲାର ଶତାଧିକ ମହିଳା ଓ ପୁରୁଷ ପର୍ୟ୍ୟଟକ । ଷଠିଘର ସହ ଗୋପବନ୍ଧୁଙ୍କ କୁଳଦେବତା ରାଧାବିନୋଦ ବିହାରୀଙ୍କ ମନ୍ଦିର ଦର୍ଶନ କରିଥିଲେ ପର୍ୟ୍ୟଟକ ମାନେ । ଜଗଦୀଶ ପ୍ରସାଦ ଓ କ୍ରିଷ୍ଣା ନଗର ବାଲପୁର କେନ୍ଦ୍ରୀୟ ବିଦ୍ୟାଳୟର ଶିକ୍ଷୟିତ୍ରୀ ଇନ୍ଦିରାଙ୍କ ନେତୃତ୍ବରେ ତିନୋଟି ବସ ଯୋଗେ ୧୬୫ ଜଣ ସୁଆଣ୍ଡୋରେ ପହଞ୍ଚି ଥିଲେ । ପୁରୀରେ ଜଗନ୍ନାଥଙ୍କ ଦର୍ଶନ ପରେ ଏଠାକୁ ଆସିଥିଲେ। ଠାକୁରଙ୍କ ପାଟ ଅଗଣାରେ ସମସ୍ତେ ଏକତ୍ରୀତ ହୋଇ ଥିଲେ । ଧୀରେନ୍ଦ୍ର ନାଥ ଦାସ ଗୋପବନ୍ଧୁଙ୍କ ଜୀବନାଦର୍ଶ ସଂପର୍କରେ ଆଲୋକପାତ କରିଥିଲେ । ଶିକ୍ଷୟିତ୍ରୀ ଇନ୍ଦିରା ମାଡାମ ଗୋପବନ୍ଧୁ ଓ ଠାକୁରଙ୍କ ସଂପର୍କରେ ସୂଚନା ପ୍ରଦାନ କରିଥିଲେ । ସନ୍ତୋଷ କୁମାର ଦାଶ ସୁଦାମ ଚରଣ ଦାଶ ରବୀନ୍ଦ୍ର ନାଥ ଦାଶ ଓ ତାରାକାନ୍ତ ଦାଶ ଗ୍ରାମବାସୀ ପର୍ୟ୍ୟଟକଙ୍କୁ ସୁଆଣ୍ଡୋ ଗ୍ରାମରେ ସରକାରଙ୍କ ପକ୍ଷରୁ ଚାଲିଥିବା ଉନ୍ନୟନମୂଳକ କାର୍ୟ୍ୟ ମାନ ବୁଲାଇ ଦେଖାଇଥିଲେ ।
Popular Categories
Previous article
Next article