ସୁନ୍ଦରଗଡ : କିଞ୍ଜିରିକେଲା ଥାନା ଅନ୍ତର୍ଗତ ବିରକାଲ ଡ଼ିହି ଆଶ୍ରମ ସ୍କୁଲରେ ଦ୍ୱିତୀୟ ମହଲା ସିଡ଼ିରୁ ଖସି ଜଣେ ସପ୍ତମ ଶ୍ରେଣୀ ଛାତ୍ରଙ୍କ ମୃତ୍ୟୁ ଘଟିଛି । ଆଜି ସକାଳେ ସ୍କୁଲ ଟିଫିନ୍ ଛୁଟି ବେଳେ ସାଙ୍ଗ ସାଥୀଙ୍କ ଠେଲାପେଲାରେ ଉପର ମହଲାରୁ ତଳ ମହଲାକୁ ଆସୁଥିବା ବେଳେ ହଠାତ୍ ଗୋଡ଼ ଖସି ଯାଇଥିଲା । ଗୁରୁତର ଅବସ୍ଥାରେ ତାଙ୍କୁ ଉଦ୍ଧାର କରାଯାଇ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଶବ ବ୍ୟବଚ୍ଛେଦ ପରେ ମୃତଦେହ ପରିବାର ଲୋକଙ୍କୁ ହସ୍ତାନ୍ତର କରାଯିବ ।
