ଆନ୍ଦୋଳନ ସତ୍ତ୍ବେ ଚାଲିବ ବସ ଓ ଟ୍ରକ, ଅପ୍ରୀତିକର ପରିସ୍ଥିତିକୁ ଏଡ଼ାଇବାକୁ ପ୍ରଶାସନକୁ ଅନୁରୋଧ

ଭୁବନେଶ୍ବର: ରାଜ୍ୟ ପରିବହନ ଶ୍ରମିକ ମହାସଂଘର ଆନ୍ଦୋଳନ ସତ୍ତ୍ବେ ଆସନ୍ତାକାଲି ବସ ଓ ଟ୍ରକ ଚାଲିବ। ଘରୋଇ ବସ ମାଲିକ ସଂଘ ଏବଂ ଟ୍ରକ ମାଲିକ ସଂଘ ପକ୍ଷରୁ ମିଳିତ ଭାବେ ରାଜ୍ୟ ପରିବହନ ଶ୍ରମିକ ମହାସଂଘର ଆନ୍ଦୋଳନ ଡାକରାକୁ ବିରୋଧ କରାଯାଇଛି। ଘରୋଇ ବସ ମାଲିକ ସଂଘ କୋଷାଧ୍ୟକ୍ଷ ବରଦା ପ୍ରସନ୍ନ ଆଚାର୍ଯ୍ୟ ଏ ସଂକ୍ରାନ୍ତରେ ସୂଚନା କହିଛନ୍ତି ଯେ ରାଜ୍ୟ ପରିବହନ ସଂଘର ଆନ୍ଦୋଳନ ଡାକରାକୁ ବସ ମାଲିକ ସଂଘ ସମର୍ଥନ ଦେବନାହିଁ। କୌଣସି ଅପ୍ରୀତିକର ପରିସ୍ଥିତିକୁ ଏଡ଼ାଇବାକୁ ପ୍ରଶାସନକୁ ଅନୁରୋଧ। ଯାତ୍ରୀମାନଙ୍କୁ ଅଗ୍ରୀମ ୩୬ଘଣ୍ଟାର ସୂଚନା ଦେଇନଥିବାରୁ ବିରୋଧ। ଦାବି ଯଥାର୍ଥ ରହିଛି, କିନ୍ତୁ ସମୟ ନ ଦେଲେ ଯାତ୍ରୀ ହଇରାଣ ହେବେ।

ସେହିପରି ରାଜ୍ୟ ପରିବହନ ଶ୍ରମିକ ମହାସଂଘ ଆନ୍ଦୋଳନ ଡାକରାରେ ଟ୍ରକ ମାଲିକ ସଂଘ ସାମିଲ ହେବ ନାହିଁ। ତେଣୁ ଆସନ୍ତାକାଲି ଟ୍ରକ ଚଳାଚଳ ସ୍ବାଭାବିକ ରହିବ କହିଲେ ଟ୍ରକ ମାଲିକ ସଂଘ ସାଧାରଣ ସମ୍ପାଦକ ରବି ଶତପଥୀ ପ୍ରକାଶ କରିଛନ୍ତି।