ଭୁବନେଶ୍ୱର : ଆଜି ଆରମ୍ଭ ହୋଇଛି ପବିତ୍ର ଶ୍ରାବଣର ପ୍ରଥମ ସୋମବାର। ଏହିଦିନ ଲକ୍ଷଲକ୍ଷ କାଉଡ଼ିଆ ପାଣି ନେଇ ବିଭିନ୍ନ ଶୈବପୀଠରେ ମହାପ୍ରଭୁ ଶିବଶଙ୍କର ଠାରେ ଜଳ ଲାଗି କରିଥାଆନ୍ତି। ହଜାର ହଜାର ଶ୍ରଦ୍ଧାଳୁ ପ୍ରଭୁଙ୍କ ଦର୍ଶନ ପାଇଁ ଧାଡ଼ିରେ ଛିଡ଼ା ହୋଇ ରହନ୍ତି। ବ୍ରତପାଳନ କରନ୍ତି। ମାତ୍ର ବର୍ତମାନ କରୋନା କଟକଣା ଅନୁଯାୟୀ ଏହାକୁ ଦୃଷ୍ଟିିରେ ରଖି ସତର୍କତା ଓ ସୁରକ୍ଷା ପାଇଁ ସାମାଜିକ ଦୂରତା ବଜାୟ ରଖିବା ପାଇଁ ନିୟମ ଲାଗୁ ହୋଇଛି। ଏହି କାରଣରୁ ପୂର୍ବବର୍ଷ ଭଳି ଚଳିତ ବର୍ଷ ମଧ୍ୟ କାଉଡ଼ିଆମାନେ ଶୈବପୀଠରେ ଜଳ ଲାଗି ନ କରିବା ପାଇଁ ନିୟମ ଲାଗୁ କରାଯାଇଛି।କରୋନା କଟକଣା କାରଣରୁ ସମସ୍ତ ମନ୍ଦିରରେ ସର୍ବସାଧାରଣଙ୍କ ଦର୍ଶନ ଉପରେ ରୋକ ଲଗାଯାଇଛି । ଭିଡ ନ ହେବା ପାଇଁ କରୋନା ଗାଇଡଲାଇନ ଅନୁଯାୟୀ, କେବଳ ମନ୍ଦିର ମାନଙ୍କରେ ପୂଜାରୀ ହିଁ ପୂଜାର୍ଚ୍ଚନା କରୁଛନ୍ତି । ଆଜିର ପବିତ୍ର ଦିନରେ ପୂର୍ବରୁ ସମସ୍ତ ଶୈବପୀଠରେ ଓଁ ନମଃ ଶିବାୟ, ଶିବଙ୍କ ମନ୍ତ୍ରର ଉଚ୍ଚାରଣରେ ପ୍ରକମ୍ପିତ ହେଉଥିବା ବେଳେ ଚଳିତ ବର୍ଷ ସବୁଠି ଖାଁ ଖାଁ। ଓଡ଼ିଶାରରେ ବିଭିନ୍ନ ଶୈବପୀଠ ଯେପରି ଢେଙ୍କାନାଳର କପିଳାସ, ଭୁବନେଶ୍ୱରର ଲିଙ୍ଗରାଜ, ପୁରୀର ଲୋକନାଥ, ଆଠଗଡ଼ର ଧବଳେଶ୍ୱର , ଭଦ୍ରକର ଆଖଣ୍ଡଳମଣି, ନୟାଗଡ଼ର ଲଡ଼ୁବାବା ଭଳି ଶୈବପୀଠରେ କେବଳ ପୂଜାରୀଙ୍କ ଦ୍ୱାରା ହିଁ ନୀତି ଅନୁଯାୟୀ ପୂଜାର୍ଚ୍ଚନା କରାଯାଉଛି।
Comments are closed.