ଦେଶକୁ ମିଳିଲା ନବମ କରୋନା ଟିକା, ସ୍ପୁଟନିକ ଲାଇଟ୍ କୋଭିଡ୍-୧୯କୁ ଅନୁମତି ଦେଲା ଡିସିଜିଆଇ
![](https://samajalive.in/wp-content/uploads/2022/02/WhatsApp-Image-2022-02-07-at-3.14.58-PM-750x430.jpeg)
ନୂଆଦିଲ୍ଲୀ: ଦେଶକୁ ମିଳିଲା ନବମ କରୋନା ଟିକା । ସ୍ପୁଟନିକ ଲାଇଟ୍ କୋଭିଡ୍-୧୯କୁ ଅନୁମତି ଦେଲା ଡିସିଜିଆଇ । ସ୍ପୁଟନିକ ଲାଇଟ୍ କୋଭିଡ୍-୧୯କୁ ଜରୁରୀକାଳୀନ ବ୍ୟବହାର ଲାଗି ଡିସିଜିଆଇ ଅନୁମତି ଦେଇଛି । ସବୁଠାରୁ ବଡ଼ କଥା ହେଉଛି ଏହି ଟିକା ମାତ୍ର ଗୋଟିଏ ଡୋଜ୍ ନେବାକୁ ପଡ଼ିବ । ଏଣିକି ଦୁଇଟି ଟିକା ନେବା ପରିବର୍ତ୍ତେ ଗୋଟିଏ ଟିକା ନେବେ ଲେମେ । କରୋନାକୁ ମାତ୍ ଦେବ ସ୍ପୁଟନିକ ଲାଇଟ୍ କୋଭିଡ୍-୧୯ର ମାତ୍ର ଗୋଟିଏ ଡୋଜ୍ । ଏନେଇ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଡକ୍ଟର ମନସୁଖ ମାଣ୍ଡଭିୟା ଟ୍ୱିଟ୍ କରି ସୂଚନା ଦେଇଛନ୍ତି । ସେ ତାଙ୍କ ଟ୍ୱିଟରେ ଲେଖିଛନ୍ତି, କରୋନା ସହ ଲଢ଼ିବାକୁ ଦେଶ ତାର ୯ମ ଟିକା ପାଇଛି । ପୂର୍ବରୁ ସ୍ପୁଟନିକ ଭି ଟିକାକୁ ଦେଶରେ ଜରୁରୀକାଳୀନ ବ୍ୟବହାର ଲାଗି ଅନୁମତି ମିଳି ସାରିଛି । ସ୍ପୁଟନିକ ଭି ୯୧.୬ ପ୍ରତିଶତ ପ୍ରଭାବୀ ହୋଇଥିବା ବେଳେ ‘ସ୍ପୁଟନିକ ଲାଇଟ୍’ ୭୯.୪ ପ୍ରତିଶତ ପ୍ରଭାବୀ ଥିବା କମ୍ପାନୀ ଦାବି କରିଛି ।
Comments are closed.