ସମାଜ ଡିଜିଟାଲ ଡେସ୍କ: ରାଜା ରଘୁବଂଶୀ ହତ୍ୟାକାଣ୍ଡ ଘଟଣାରେ ଆଉ ଏକ ବଡ ଖୁଲାସା ହୋଇଛି । ୨୩ମେ ରେ ସିଲଂରେ ଘଟିଥିବା ଘଟଣାର ପୁରା ଦୃଶ୍ୟ ଏକ କ୍ୟାମେରାରେ କଏଦ ହୋଇଛି । ଦେବେନ୍ଦ୍ର ସିଂହ ନିଜ ପତ୍ନୀଙ୍କ ସହ ବୁଲିବାକୁ ଯାଇଥିବା ବେଳେ ଭିଡ଼ିଓ ସୁଟିଂ କରିଥିଲେ । ଏହି ସମୟରେ ରାଜା ରଘୁବଂଶୀ ହତ୍ୟାକାଣ୍ଡ ଘଟଣାର ଅଭିଯୁକ୍ତ ମାନେ ତାଙ୍କ କ୍ୟାମେରାରେ କଏଦ ହୋଇଛି । ଯାହାକୁ ପୁଲିସ ଏକ ବଡ ପ୍ରମାଣ ହିସାବରେ ନେଇଛି । ମାମଲାରେ ଦେବେନ୍ଦ୍ରଙ୍କ ବୟାନ ରେକର୍ଡ କରିବାକୁ ପୁଲିସ କହିଛି । ହରିୟାଣାର ସୋନିପତରୁ ଟ୍ରାଭେଲର ଦେବେନ୍ଦ୍ର ସିଂହ ସୋସିଆଲ ମିଡ଼ିଆରେ ଏକ ଭିଡ଼ିଓ ସେୟାର କରିଥିଲେ । ଯେଉଁଥିରେ ସୋନମଙ୍କ ସହିତ ୩ଜଣ ଅଭିଯୁକ୍ତଙ୍କୁ ଦେଖିବାକୁ ମିଳିଛି ।
ଏହି ଭିଡ଼ିଓଟି ୨୩ମେ ରେ ସୁଟିଂ କରାଯାଇଥିଲା । ଯେତେବେଳେ ରାଜା ଏବଂ ସୋନମ ଡବଲ୍ କ୍ରସିଂ କରି ସେତୁ ନିକଟକୁ ଯାଇଥିଲେ । ଆକାଶ, ଆନନ୍ଦ ଏବଂ ବିଶାଲଙ୍କୁ ପ୍ରଥମେ ସକାଳ୯ଟା୨୫ମିନିଟରେ ନୋଗ୍ରୀୟାଟ୍ ଗାଁ ପାଖରେ ଆସୁଥିବାର ଦେଖାଯାଇଥିଲା । ୨୦ ମିନିଟ ପରେ ୯ଟା ୪୫ମିନିଟରେ ସୋନମଙ୍କୁ ସେହି ରାସ୍ତାରେ ଆଗ ଓ ପଛରେ ରାଜାଙ୍କୁ ଦେଖିବାକୁ ମିଳିଥିଲା ।
Comments are closed.