ବାଙ୍କୀ: ବ୍ରହ୍ମକୁମାରୀ ଈଶ୍ୱରୀୟ ବିଶ୍ୱ ବିଦ୍ୟାଳୟର ସାହାଡାପଦା ସେବା କେନ୍ଦ୍ର ଅନୁକୂଲ୍ୟରେ ଶନିବାର ସନ୍ଧ୍ୟାରେ ଏକ ଆଧ୍ୟାତ୍ମିକ ସ୍ନେହ ମିଳନ କାର୍ଯ୍ୟକ୍ରମ କେନ୍ଦ୍ର ସଞ୍ଚାଳିକା ରୀନା ଭଉଣୀଙ୍କ ସଞ୍ଚାଳନରେ ଅନୁଷ୍ଠିତ ହୋଇଯାଇଛି। ପରମ ପୂଜନୀୟା ରାଜ ଯୋଗିନୀ ଦାଦୀ ଜାନକୀଜୀଙ୍କର ପୂଣ୍ୟ ୨ୟ ସ୍ମୃତି ଶ୍ରାଦ୍ଧ ଦିବସ ଅବସରରେ ଆୟୋଜିତ କାର୍ଯ୍ୟକ୍ରମ ଆଧ୍ୟାତ୍ମିକ ସ୍ନେହ ମିଳନର ସମାବେଶ ହୋଇଥିଲା। ବହୁ ଆଞ୍ଚଳିକ ଭାଇ ଓ ଭଉଣୀ ଯୋଗଦେଇ ଦିବସର ଅନୁଚିନ୍ତା ଗ୍ରହଣ କରିଛନ୍ତି। କାର୍ଯ୍ୟକ୍ରମରେ ସମ୍ମାନିତ ଅତିଥି ଭାବରେ ରାଜଯୋଗୀ ମନୋଜ ଭାଇ, ଭାରତୀ ଭଉଣୀ, ସମାଜସେବୀ କେଶବ ଚନ୍ଦ୍ର ବେହେରା, ବିପିନୀ ମହାନ୍ତି ଓ ଡାକ୍ତର ଶରତ କୁମାର ସ୍ୱାଇଁ ପ୍ରମୁଖ ଯୋଗଦେଇ ଆଧ୍ୟାତ୍ମିକ ସ୍ନେହ ମିଳନ କାର୍ଯ୍ୟକ୍ରମ ସମ୍ପର୍କରେ ସମ୍ୟକ ବକ୍ତବ୍ୟ ରଖିଥିଲେ। ସାମାଜିକ ଜୀବନ ମଧ୍ୟରେ ଆଧ୍ୟାତ୍ମିକତା ଏବଂ ସଫଳତା ପାଇବା ପାଇଁ ସାମାଜିକ ଜୀବନରେ ଆଧ୍ୟାତ୍ମିକତା ହିଁ ଶ୍ରେଷ୍ଠ ଉପାଦାନ ବୋଲି ଆଲେଚନା କରାଯାଇଛି। ନୀରବତା ହିଁ ସୁଖ ଓ ଶାନ୍ତିର ଜନନୀ। ଆତ୍ମାର ଚେତନା ଶକ୍ତିକୁ ଅନୁଭବ କଲେ ହିଁ ଶାନ୍ତିର ପ୍ରାପ୍ତି ହୋଇଥାଏ ବୋଲି ରାଜଯୋଗୀ ମନୋରଞ୍ଜନ ଭାଇ ଭାରତୀ ଭଉଣୀ ନିଜ ବକ୍ତବ୍ୟରେ ପ୍ରକାଶ କରିଥିଲେ। ବ୍ରହ୍ମ କୁମାରୀ ଈଶ୍ୱରୀୟ ବିଶ୍ୱ ବିଦ୍ୟାଳୟ ଶିବ ଶକ୍ତି ଭବନ ପରିସରରେ ଆଧ୍ୟାତ୍ମିକ ସ୍ନେହ ମିଳନ ସମସ୍ତଙ୍କୁ ଆହ୍ଲାଦିତ କରିଥିବା ସଞ୍ଚାଳିକା ନିଜର ବକ୍ତବ୍ୟରେ ପ୍ରକାଶ କରିଥିଲେ।
ପ୍ରଜାପିତା ବ୍ରହ୍ମକୁମାରୀ ଈଶ୍ୱରୀୟ ବିଶ୍ୱବିଦ୍ୟାଳୟ ପକ୍ଷରୁ ଆଧ୍ୟାତ୍ମିକ ସ୍ନେହ ମିଳନ କାର୍ଯ୍ୟକ୍ରମ
Popular Categories
Previous article
Next article