ଭୁବନେଶ୍ୱର : ଏସି ଭିତରୁ ନାଗ ସାପ ଉଦ୍ଧାର କରାଯାଇଛି । ରାଜଧାନୀର ଏମ୍ସିଏଲ୍ କଲୋନୀରେ ଥିବା ଚିକିତ୍ସାଳୟର ଏସି ଭିତରୁ ଏହି ସାପକୁ ଉଦ୍ଧାର କରାଯାଇଛି । ମଙ୍ଗଳବାର ରୋଗୀମାନଙ୍କର ଚିକିତ୍ସା ଚାଲିଥିବା ବେଳେ ହଠାତ୍ ଏସି ଭିତରୁ ନାଗ ସାପ ଫଣା ଟେକି ବାହାରିଥିଲା । ତାକୁ ଦେଖି ସମସ୍ତେ ଭୟ ପାଇଯାଇଥିଲେ । ପରେ ସ୍ନେକ ହେଲ୍ପ ଲାଇନ୍କୁ ଖବର ଦିଆଯାଇଥିଲା । ସ୍ନେକ ହେଲ୍ପ ଲାଇନର ସଦସ୍ୟମାନେ ସାପଟିକୁ ଉଦ୍ଧାର କରିଛନ୍ତି । ଏସିର ବାହାରକୁ ଯାଇଥିବା ନଳ ବା ପାଇପ୍ ଭିତର ଦେଇ ସାପଟି ଚାଲି ଆସିଥିବା ସନ୍ଦେହ କରାଯାଉଛି । ସେଠାରେ କୌଣସ କାରଣ ପାଇଁ ମାଟି ଖୋଲି ଗଦା କରାଯାଇଥିବାରୁ ସାପଟି ମାଟି ଗଦା ଦେଇ ଏସିର ପାଇପ୍ ମଧ୍ୟ ଦେଇ ଏସି ଭିତରକୁ ପ୍ରବେଶ କରିଥିବା ଅନୁମାନ କରାଯାଉଛି ।
