ଭୀଷଣ ବାତ୍ୟାର ରୂପ ନେବ ସିତ୍‌ରଙ୍ଗ – ବାଂଲାଦେଶରେ ସ୍ଥଳଭାଗ ଛୁଇଁବ

ଭୁବନେଶ୍ୱର – ଲଘୁଚାପରୁ ବାତ୍ୟା ରୂପ ନେଇ ସାରିଲାଣି ସିତ୍‌ରଙ୍ଗ । ଏବେ ସମୁଦ୍ର ଭୀତରେ ବାଂଲାଦେଶ ମୁହାଁ । ତିନେକୋଣା ଏବଂ ସାନ୍‌ଦୀପ୍‌ ଦେଇ ଏହା ସ୍ଥଳଭାଗ ଛୁଇଁବ ବୋଲି ଭାରତୀୟ ପାଣିପାଗ ବିଭାଗ ସୂଚନା ଦେଇଛି । ସାଗର ଦୀପଠାରୁ ଏହା ୩୮୦ କିଲୋମିଟର ଦୂରରେ ରହିଛି । ଓଡିଶା ଉପରେ ଏହାର ପ୍ରଭାବ ରହିବ ନାହିଁ । ଉପକୂଳବର୍ତ୍ତୀ ଅଞ୍ଚଳରେ ପାଗ ମେଘୁଆ ରହିବା ସହ ୨୬ ତାରିଖରେ ସମୁଦ୍ରକୂଳି ଜିଲାରେ ବର୍ଷା ହେବାର ସମ୍ଭାବନା ରହିଛି ।

ବାତ୍ୟା ପ୍ରଭାବରେ ସୋମବାର ଅର୍ଥାତ ଦୀପାବଳିରେ ଉପକୂଳ ଓଡ଼ିଶାର କିଛି ଅଞ୍ଚଳରେ ହାଲୁକାରୁ ମଧ୍ୟମ ଧରଣ ବର୍ଷା ହେବାର ସମ୍ଭାବନା ଥିବାବେଳେ ଉତ୍ତର-ଉପକୂଳରେ ଏହାର ପ୍ରଭାବ ସାମାନ୍ୟ ଅଧିକ ରହିବ। ରାଜ୍ୟରେ ବାତ୍ୟା ଉପକୂଳ ଛୁଇଁବାର ଆଶଙ୍କା ନାହିଁ, ହେଲେ ଏହାକୁ ଦୃଷ୍ଟିରେ ରଖି ଗୋପାଳପୁର, ପାରାଦ୍ୱୀପ, ପୁରୀ ଏବଂ ଧାମରା ବନ୍ଦର ପାଇଁ ୩ ନଂ ବିପଦ ସଂକେତ ଜାରି ହୋଇଛି। ପାଣିପାଗ କେନ୍ଦ୍ରର ସୂଚନାନୁଯାୟୀ, ସିତ୍‌ରଙ୍ଗ ମୋଡ଼ ବଦଳାଇ ଉତ୍ତର-ଉତ୍ତର-ପୂର୍ବ ଦିଗରେ ଗତିକରି ୨୫ ତାରିଖ ସକାଳ ସମୟରେ ବାଂଲାଦେଶ ଉପକୂଳ ଅତିକ୍ରମ କରିବ। ବାଂଲାଦେଶର ତିନ୍‌କୋନା ଓ ସାନଦୀପ ଅଞ୍ଚଳରେ ଏହା ଉପକୂଳ ଛୁଇଁବା ସମ୍ଭାବନା ରହିଛି। ଏହାର ପ୍ରଭାବରେ ରବିବାର ରାତିରୁ ଉପକୂଳ ଓଡ଼ିଶାରେ ବର୍ଷା ଆରମ୍ଭ ହୋଇଛି। ବିଶେଷ କରି ପୁରୀ, ଜଗତସିଂହପୁର ଏବଂ କେନ୍ଦ୍ରାପଡ଼ା ଜିଲାରେ ପ୍ରବଳ ବର୍ଷା ହେବା ସମ୍ଭାବନା ରହିଛି। ଏଥିପାଇଁ ଏହି ଜିଲାଗୁଡ଼ିକୁ ୟେଲୋ ୱାର୍ଣ୍ଣିଂ ଜାରି କରାଯାଇଛି। ଓଡ଼ିଶା ଉପକୂଳ ଦେଇ ବାତ୍ୟା ଅତିକ୍ରମ କରିବା ସମୟରେ ଉପକୂଳ ଅଞ୍ଚଳରେ ବର୍ଷା ପରିମାଣ ବଢ଼ିବା ସହ ଘଣ୍ଟା ପ୍ରତି ପବନର ବେଗ ୪୫କିମିରୁ ୫୫କିମି ରହିପାରେ। ସ୍ଥଳବିଶେଷରେ ଝଟକା ପବନର ବେଗ ଘଣ୍ଟା ପ୍ରତି ୬୫କିମି ଛୁଇଁପାରେ। ୨୪ରେ ବାଲେଶ୍ବର, ଭଦ୍ରକ, କଟକ, ଜଗତସିଂହପୁର, ଯାଜପୁର ଏବଂ କେନ୍ଦ୍ରାପଡା ଜିଲାର କିଛି ଅଞ୍ଚଳରେ ପ୍ରବଳ ବର୍ଷିବ। ଏହାକୁ ଦୃଷ୍ଟିରେ ରଖି ଉପରୋକ୍ତ ଜିଲାଗୁଡିକୁ ୟେଲୋ ୱାର୍ଣ୍ଣିଂ ଜାରି କରାଯାଇଛି। ୨୬ ତାରିଖ ପର୍ଯ୍ୟନ୍ତ ମତ୍ସ୍ୟଜୀବୀଙ୍କୁ ସମୁଦ୍ର ଓ ଚିଲିକା ବାରଣ କରାଯାଇଛି।
ଅନ୍ୟପଟେ ସମଗ୍ର ଦେଶରୁ ବିଦାୟ ନେଇଛି ଦକ୍ଷିଣ-ପଶ୍ଚିମ ମୌସୁମୀ ବାୟୁ। ଆଜି ଭାରତୀୟ ପାଣିପାଗ ବିଭାଗ ପକ୍ଷରୁ ଏହି ସୂଚନା ଦିଆଯାଇଛି। ଚଳିତ ବର୍ଷ ମୌସୁମୀଜନିତ ବର୍ଷା ଦେଶରେ ସ୍ୱାଭାବିକରୁ ଅଧିକ ବର୍ଷା ରହିଛି। ସେପ୍ଟମ୍ବର ୨୯ରେ ଦିଲ୍ଲୀରୁ ମୌସୁମୀ ବିଦାୟ ନେଇଥିବା ବେଳେ ସେପ୍ଟେମ୍ବରରେ ଉତ୍ତର-ଉତ୍ତର-ପୂର୍ବାଞ୍ଚଳରେ ୬% ଅଧିକ ବର୍ଷା ହୋଇଥିବା ଭାରତୀୟ ପାଣିପାଗ ବିଭାଗ ପକ୍ଷରୁ ସୂଚନା ମିଳିଛି। ଉତ୍ତରପ୍ରଦେଶ, ବିହାର ଏବଂ ଝାଡଖଣ୍ଡରେ ନିଅଣ୍ଟିଆ ବର୍ଷା ହ୍ରାସ କରିବାରେ ସହାୟକ ହୋଇଛି। ଅକ୍ଟୋବର ଦ୍ୱିତୀୟ ସପ୍ତାହ ସୁଦ୍ଧା ଦକ୍ଷିଣ-ପଶ୍ଚିମ ମୌସୁମୀ ବାୟୁ ସମଗ୍ର ଉତ୍ତର-ପଶ୍ଚିମ, ଉତ୍ତର ଏବଂ ଭାରତୀୟ ଗାଙ୍ଗେୟ ସମତଳ ଅଞ୍ଚଳରୁ ଦୂରେଇ ଯାଇଥାଏ।

Comments are closed.