ସିମୁଳିଆ: ହାଇଦ୍ରାବାଦରେ କାର୍ଯ୍ୟସାରି ଫେରିବା ବାଟରେ ଦୁର୍ଘଟଣା ଗ୍ରସ୍ତ ହୋଇ ମୃତ୍ୟୁ ସହ ସଂଗ୍ରାମ କରୁଥିବା ଯୁବକ ନିମନ୍ତେ ଗ୍ରାମବାସୀ ଦ୍ବାରା ସମୂହ ଦୀପଦାନ କରିବା ସହ ସହାୟତା ନିମନ୍ତେ ଆକୁଳ ନିବେଦନ କରିଛନ୍ତି । ସୂଚନାରୁ ପ୍ରକାଶ ବାଲେଶ୍ବର ଜିଲ୍ଲା ସିମୁଳିଆ ଥାନା ଅନ୍ତର୍ଗତ ଅଣ୍ଡରାଇ ପଞ୍ଚାୟତର ଧରମପୁର ଗ୍ରାମର ଅନାଦି ରାଉତଙ୍କ ପୁଅ ସିପୁନ ରାଉତ(୨୭)ବର୍ଷ ହାଇଦ୍ରାବାଦ ଏକ ହୋଟେଲରେ କାର୍ଯ୍ୟ କରନ୍ତି । କାର୍ଯ୍ୟ ସାରି ଘରକୁ ଫେରିବା ବାଟରେ ଏକ ଅଜଣା ଗାଡ଼ି ଧକ୍କାରେ ଗୁରୁତର ଅବସ୍ଥାରେ ହାଇଦ୍ରାବାଦ ଏକ ଘରୋଇ ହସ୍ପିଟାଲରେ ଚିକିତ୍ସିତ ହେଉଛନ୍ତି ।
ମୃତ୍ୟୁ ସହ ସଂଗ୍ରାମ କରୁଥିବା ସିପୁନ ନିମନ୍ତେ ଗ୍ରାମବାସୀ ପକ୍ଷରୁ ମା ପଶ୍ଚିମା ମନ୍ଦିର ଓ ଜଗନ୍ନାଥ ମନ୍ଦିରରେ ପ୍ରଦୀପ ପ୍ରଜ୍ଜ୍ୱଳନ କରି ଆସୁ ଆରୋଗ୍ୟ କାମନା କରିବା ସହ ସେମାନଙ୍କ ପରିବାର ଅତ୍ୟନ୍ତ ଗରିବ ହୋଇଥିବାରୁ ସହାୟତା ନିମନ୍ତେ ଆକୁଳ ନିବେଦନ କରିଥିବା ଜଣାଯାଇଛି ।
Comments are closed.