ସିମୁଳିଆ: ଗୀତ ଶୁଣି ଗାଡି ଚଳାଇବା ଯୁବକ ପାଇଁ ହେଲା କାଳ । ବାଲେଶ୍ୱର ଜିଲା ସିମୁଳିଆ ଥାନା ଗରସଙ୍ଗ ବଜାର ନିକଟରେ ବାଇକକୁ ଧକ୍କାଦେଲା ମୁଖ୍ୟମନ୍ତ୍ରୀ ବସ। ଫଳରେ ଯୁବକ ଜଣକ ଗୁରୁତର ଆହତ ହୋଇଥିବା ସୂଚନା ମିଳଛି। ଲକ୍ଷ୍ମୀ ବସ ବରୋଦାରୁ ଖଇରା ବ୍ଲକକୁ ଯିବା ବାଟରେ ଏହି ଦୁର୍ଘଟଣାଟି ଘଟିଛି। ଦୁର୍ଘଟଣାରେ ଗୁରୁତର ଯୁବକଙ୍କୁ ଭଦ୍ରକ ମେଡିକାଲକୁ ସ୍ଥାନାନ୍ତର କରାଯାଇଛି।
ପ୍ରତ୍ୟକ୍ଷ ଦର୍ଶୀ କହିବା ଅନୁଯାୟୀ ଯୁବକ ଜଣକ ଗାଁ ରାସ୍ତାରୁ ବାଇକରେ ବାହାରୁ ଥିବା ବେଳେ କାନରେ ହେଡ଼ ଫୋନ ଦେଇ ରାସ୍ତା ଉଠିଥିଲେ। ଏହାପରେ ତାଙ୍କର ବସ ସହିତ ଧକ୍କା ହୋଇଥିଲା। ବସଟି ତାଙ୍କ ବାଇକକୁ ୫୦ମିଟର ଘୋଷାଡ଼ି ନେଇଥିଲା। ସ୍ଥାନୀୟ ଲୋକେ ଘଟଣାସ୍ଥଳରେ ପହଞ୍ଚି ମୁଖ୍ୟମନ୍ତ୍ରୀ ବସକୁ ଅଟକ ରଖି ସିମୁଳିଆ ପୁଲିସକୁ ଖବର ଦେଇଥିଲେ । ଖବର ପାଇ ପୁଲିସ ବସକୁ ଥାନାରେ ଅଟକ ରଖି ତଦନ୍ତ ଜାରି ରଖିଛି । ତେବେ ଯୁବକ ଜଣକ ସୂର୍ଯ୍ୟକାନ୍ତ ମୁଣ୍ଡା ଗରସଙ୍ଗ ବଉଲାଣି ଗ୍ରାମର ବୋଲି ଜଣାପଡିଛି ।
Comments are closed.