ବୀରତ୍ୱର ପ୍ରତୀକ ଛତ୍ରପତି ଶିବାଜୀ ସ୍ୱରାଜର ପଥ ଦେଖାଇଥିଲେ – ପ୍ରଧାନମନ୍ତ୍ରୀ

ଡେସ୍କ: ଛତ୍ରପତି ଶିବାଜୀ ସାହସ ଓ ବୀରତ୍ୱର ପ୍ରତୀକ ଥିଲେ। ସେ ଆମକୁ ସ୍ୱରାଜର ପଥ ଦେଖାଇ ଯାଇଛନ୍ତି। ଶିବାଜୀଙ୍କର ରାଜ୍ୟାଭିଷେକର ୩୫୦ତମ ବାର୍ଷିକୀ ପାଳନ ଉପଲକ୍ଷେ ଏକ ଭିଡ଼ିଓ ବାର୍ତ୍ତାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏହା କହିଛନ୍ତି। ପ୍ରଧାନମନ୍ତ୍ରୀ କହିଛନ୍ତି, ଛତ୍ରପତି ଶିବାଜୀ ଜଣେ ବୀର ସୈନିକ ଥିଲେ ଓ ଉତ୍ତମ ପ୍ରଶାସକ ଥିଲେ। ସେ ଦାସତ୍ୱ ମନୋବୃତ୍ତିର ଲୋପ କରିଥିଲେ।

ଶ୍ରୀ ମୋଦୀ କହିଛନ୍ତି ଶିବାଜୀ ମହାରାଜ ଭାରତର ଏକତା ଓ ସଂହତିକୁ ସର୍ବଦା ଶୀର୍ଷସ୍ଥାନ ଦେଇ ଆସିଥିଲେ। ସେ କହିଛନ୍ତି ଯେ ପ୍ରଧାନମନ୍ତ୍ରୀ କହିଛନ୍ତି, ଗତବର୍ଷ ଭାରତୀୟ ନୌବାହିନୀ ଦାସତ୍ୱରୁ ମୁକ୍ତ ହେଲା। ନୌବାହିନୀର ପତାକାରୁ ବ୍ରିଟିଶ ସରକାରଙ୍କ ଚିହ୍ନ ବଦଳାଯାଇ ଶିବାଜୀ ମହାରାଜଙ୍କ ଚିହ୍ନ ଲଗାଗଲା। ଶ୍ରୀ ମୋଦୀ କହିଛନ୍ତି, ବର୍ତ୍ତମାନ ଏହି ପତାକା ନବଭାରତର ପ୍ରତୀକ ବହନ କରେ। ସେ କହିଛନ୍ତି ଅମୃତକାଳର ୨୫ବର୍ଷର ଯାତ୍ରା ଛତ୍ରପତି ଶିବାଜୀ ମହାରାଜଙ୍କ ମୂଲ୍ୟବୋଧକୁ ଭିତ୍ତିକରି ସଂପୂର୍ଣ୍ଣ ହେବ।

Comments are closed.