ପୂଜାପାଠରେ ଶିବ ଚାଳିଶା ପାଠର ଅନେକ ମହତ୍ତ୍ବ ରହିଛି। ଶିବ ଚାଳିଶାରେ ଉଲ୍ଲେଖ ଥିବା ସରଳ ଶବ୍ଦ ଦ୍ବାରା ଭଗବାନ ଶିବଙ୍କୁ ପ୍ରସନ୍ନ କରାଯାଇ ପାରିବ। ଶିବ ଚାଳିଶା ପାଠ କରିବା ଦ୍ବାରା କଠିନରୁ କଠିନ କାର୍ଯ୍ୟ ଖୁବ ସରଳ ଭାବେ କରାଯାଇପାରେ। ଏହି ଚାଳିଶାରେ ୪୦ଟି ପଂକ୍ତି ରହିଛି ଯାହାର ମହତ୍ତ୍ବ ଅଧିକ ଅଟେ। ଆସନ୍ତୁ ଜାଣିବା ଶିବ ଚାଳିଶା ପାଠର ସଠିକ ଉପାୟ ..
ଉପାୟ :
ସକାଳ ଶୀଘ୍ର ଉଠି ନିତ୍ୟକର୍ମ ସାରି ସ୍ନାନ କରି ସଫା ପୋଷାକ ପରିଧାନ କରନ୍ତୁ।
ପୂଜା ଘରେ ଏକ ସଫ ଆସନ ପକାଇ ପୂର୍ବ ଦିଗକୁ ମୁହଁ କରି ବସନ୍ତୁ।
ପ୍ରଥମେ ଶିବଙ୍କୁ ଧୂପ, ଦୀପ, ଚନ୍ଦନ, ମାଳା, ବେଲପତ୍ର ଓ ଧଳା ଫୁଲ ଅର୍ପଣ କରନ୍ତୁ । ଏହାସହ ମିଶ୍ରିକୁ ପ୍ରସାଦ ପାଇଁ ରଖନ୍ତୁ।
ଚାଳିଶା ପାଠ କରିବା ପୂର୍ବରୁ ପ୍ରଥମେ ଶୁଦ୍ଧ ଗାଈ ଘିଅରେ ଦୀପ ପ୍ରଜ୍ବଳିତ କରନ୍ତୁ।
ଏକ ଲୋଟାରେ ଜଳ ଭର୍ତ୍ତି କରି ମଧ୍ୟ ରଖନ୍ତୁ।
ଭଗବାନ ଶିବଙ୍କ ଶିବ ଚାଳିଶା ୩ଥର କିମ୍ବା ୫ଥର ପାଠ କରନ୍ତୁ।
ଆପଣ ଶିବ ଚାଳିଶା ପାଠ କରୁଥିବା ବେଳେ ତାହାକୁ ଯେତେ ଲୋକ ଶୁଣିବେ ସେତେ ଲାଭ ମିଳିବ।
ଶିବ ଚାଳିଶାକୁ ସମ୍ପୂର୍ଣ୍ଣ ଭକ୍ତିଭାବର ସହ ପାଠ କରନ୍ତୁ। ଏପରି ପରିବା ଦ୍ବାରା ଭଗବାନ ପ୍ରସନ୍ନ ହୋଇଥାଆନ୍ତି।
ଚାଳିଶା ପାଠ କରି ସାରିବା ପରେ ପାଖରେ ରଖିଥିବା ଜଳକୁ ଘର ସାରା ଛିଞ୍ଚି ଦିଅନ୍ତୁ।
ଭଗବାନଙ୍କ ନିକଟରେ ଭୋଗ ଲଗାଇ ସାରିବା ପରେ ତାହାକୁ ନିଜେ ଖାଆନ୍ତୁ। ଏହାସହ ଛୋଟ ପିଲାଙ୍କ ମଧ୍ୟରେ ବାଣ୍ଟି ଦିଅନ୍ତୁ।
